السلام عليكم
مبارك عليكم الشهـــر،،
أنا أفكر أغير موتري الألماني بدون ذكر موديله.. الصراحه بهدلني تبهديل كمل وياي سنتين وشوي منه يخترب لي كل شوي صح التعديل عالوكاله لانه تحت الورنتي لكن الورنتي بينتهي خلال 10 اشهر فمن احينه افكر فالموتر لي باخذه ومنه قطع غياره نااار والوكاله يبالها يوم او يومين عسب يخلصون الصيانه الدوريه المينتننس (مادري باقي الوكالات كيف ماعندي فكره)
المهم انا عندي اختيارات وابى راي المجربيــــــــــــن بس وبدون تحيــــز من واقع التجربـــه،،
رقم واحد والمرشح القوي: اف جي ..
لانه اولا تويوتا ، بعدين قطع الغيار رخيصه وماظني الوكاله بتنقعني وان نقعتني بوديه اي مكان وبيمشولي اموري..
رقم اثنين اتوقع مايصرف وايد من حجمه ههه طبعا انا مايهمني كم سلندر -لو شي موتر ب 2 سلندر باخذه مب مهم
وسعره مناسب
صح اني بخسر المزايا لي عندي احينه من امان و ثبـــات و محدد سرعه وحساسات ومليون اير باج لكن لي اباه راحه البال
المرشح الثاني :
تويوتا -لاند كروزر
عاد هني فرق فالحجم والسعر والمميزات لكن الصراحه اشوفه معمر لين اليوم نشوف موديلات مال 10 سنين ورا -موتر مايقول اق
المرشح الثالث والصراحة هذا لي انا خاطري في من زمان وهذا هو الحب الاول والاخيــــر بس للاسف ماخذته لكنه موجود:
الفتـــــــــــك،،،، 
صراحه شكل داش الخاطر من زمان حتى امس حلمت انه عندي فتك ولا 2 من النيسان القديم (حلم شيوخي)
لكن ماخذته لانه يصــــــرف بترووول صرف،،
هذا عيبه العود ومثل ماتشوفون كل يوم رفعو البترول وانا من النوع النشيط ما ايلس في البيت فمافيني عقب اتم احاسب وين سايره ووين راده وبكم هع
والنيسان بعد مال مكده لكن ماعرف منو يكد اكثر ومادري منو خراباته (تعقدت) اكثر 
من تجربتكم شو رايكم وليش ابى حد يقنعني!!!!
ودخيلكم مابى ارمس رمسه شواب مثل موتر شباب وموتر بنات وخذي لج غيرهم انا اخترت هاييل فلا تقترحون غيرهم،، احين البنات يسوقون كل شي وتشوفون تراكم 
وبس
السلام عليكم
تقبل الله صيامكم و قيامكم ان شالله
اولا مثلما قال الاخ ان الاف جي ما تنفع كاستخدام سياره اساسية و ثانيا انتي بنيه و تاخذين لج فور ويل ..!! اشوفها مب راكبة ..احيد الفور ويل حق العوايل و الا النيسان اليديد ما عليه كلام …
ليش ما تويهين صوب المرسيدس انا مجرب الوكاله عندنافبوظبي ما شالله عليها من احسن الوكالات و المينتننس و التجييكات ما عليها كلا ..هذا عندنا فبوظبي بس عاد باقي الامارات الله يعلم ….
و لكم مي اجمل تحية ..و رمضان كريم
سواءا كنت ريال أو بنت مايهم !
انا أشوف الكزس أنسبلج من كل النواحي عملية وايد ,ما تصرف بترول وأسعارعم معقوله
وعن أستخدام شخصي انا عندي لكزس أل أس 430 موديل 2006 لين يومج هذا مشاية وممتازة جدا جدا جدا والحمد لله ماشتكيت منها أسميها My baby 😛
والي تقول صوت الأستيشن حشرة هذا لأنه سته سلندر , الثمانية الي مافيه حس
الفتك صراحه ماعليه كلام , أمبونه من زمان أمبدع من أيام الثمانينات
مافيه حيله لين اليوم بس هاي سيارة شبابية عائليه
يعني مش سيارة بنوتيه صبعا انتي حره
الاستيشن طبعا بس على شرط 8 سلندر
vxr او gxr
وعليكم السلام ورحمة الله وبركاته
اول شي كم بتكون ميزانيتج ؟
شووووووفي يالسبورتيه من م محبين التويوتا بس ويا اسعاره الحين ماظني افكررررر فيه الا بكم سياره
وعن طاري النيسان امممممممم لين اليوم وله عيوبه ولاتقولون مافيه عيوب (منها يرفع حراره ومالها داعي ويوم توديه الوكاله مايطلع فيه شي .عزيزي مكيف النيسان ……….مثلا ههههههه وفيه عطل في السستم وفي الشاشه وهذا موب كلام لا هذا الواقع )
انا اقولج حاولي تفكرين في التاهوو مواصفاته اكثر من الاستيشن وموب اكثر من النيسان لاكن حلوووو وسعره وايد حلووو او لكزس ار اكس بعددد زينه واذا الل وفقج وبغيتي تاخذينه نصيحه جانج من بوظبي والعين من عند بن حموده وجانج م الامارات الشماليه من ليبرتي والكندي بيطلعولج عيونج هههههههههه
وعن الاف جي سياره صلفه تراها وزينه واااااايد وعمليه ةالتويوتا بشكل عام ماعليه كلام
واذا بتتكلمين عن المواصفات ترا مواصفات البرادو الطويله الفووووول اكثر من مواصفات الاستيشن اليديد . لاكن الاستيشن اليديد 2011 بتنزل مكينته شرات مكينة لكزس الفورويل
بعد حاولي تشوفين لكزس جي اكس 460
والله يوفقج ولاتنسين صلاة الاستخاره
موفق بإذن الله … لك مني أجمل تحية .
اختي لاتعبين عمرج بالاف جي والاستيشن سيارات ماتصلح لج كبنت بتعبج في الباركنات والافجي دفشه وشكلها قبيح وهب مريحه
سمعي نصيحتي
تبين الفخامه والصرفيه الحلوه والعمليه عندج اللكزس ايه اس 350 وعندج الافالون جدا روعه صرفيه وسعر وفخامه وشكلها بنوتي ومريحه وعمليه وقطع غيارها جدا رخيصه وحت لورفعوا سعر البنزين مابتاكلين هم
وتعمر والبترول لاتسالين عليه في هالسيارتين
والاسعار جدا معقوله