السلام عليكم
مبارك عليكم الشهـــر،،
أنا أفكر أغير موتري الألماني بدون ذكر موديله.. الصراحه بهدلني تبهديل كمل وياي سنتين وشوي منه يخترب لي كل شوي صح التعديل عالوكاله لانه تحت الورنتي لكن الورنتي بينتهي خلال 10 اشهر فمن احينه افكر فالموتر لي باخذه ومنه قطع غياره نااار والوكاله يبالها يوم او يومين عسب يخلصون الصيانه الدوريه المينتننس (مادري باقي الوكالات كيف ماعندي فكره)
المهم انا عندي اختيارات وابى راي المجربيــــــــــــن بس وبدون تحيــــز من واقع التجربـــه،،
رقم واحد والمرشح القوي: اف جي ..
لانه اولا تويوتا ، بعدين قطع الغيار رخيصه وماظني الوكاله بتنقعني وان نقعتني بوديه اي مكان وبيمشولي اموري..
رقم اثنين اتوقع مايصرف وايد من حجمه ههه طبعا انا مايهمني كم سلندر -لو شي موتر ب 2 سلندر باخذه مب مهم
وسعره مناسب
صح اني بخسر المزايا لي عندي احينه من امان و ثبـــات و محدد سرعه وحساسات ومليون اير باج لكن لي اباه راحه البال
المرشح الثاني :
تويوتا -لاند كروزر
عاد هني فرق فالحجم والسعر والمميزات لكن الصراحه اشوفه معمر لين اليوم نشوف موديلات مال 10 سنين ورا -موتر مايقول اق
المرشح الثالث والصراحة هذا لي انا خاطري في من زمان وهذا هو الحب الاول والاخيــــر بس للاسف ماخذته لكنه موجود:
الفتـــــــــــك،،،، 
صراحه شكل داش الخاطر من زمان حتى امس حلمت انه عندي فتك ولا 2 من النيسان القديم (حلم شيوخي)
لكن ماخذته لانه يصــــــرف بترووول صرف،،
هذا عيبه العود ومثل ماتشوفون كل يوم رفعو البترول وانا من النوع النشيط ما ايلس في البيت فمافيني عقب اتم احاسب وين سايره ووين راده وبكم هع
والنيسان بعد مال مكده لكن ماعرف منو يكد اكثر ومادري منو خراباته (تعقدت) اكثر 
من تجربتكم شو رايكم وليش ابى حد يقنعني!!!!
ودخيلكم مابى ارمس رمسه شواب مثل موتر شباب وموتر بنات وخذي لج غيرهم انا اخترت هاييل فلا تقترحون غيرهم،، احين البنات يسوقون كل شي وتشوفون تراكم 
وبس
خلاص ولا تزعلين اختي شو رايج بهذي السياره
يابووويه اف جيه وتوكلي على الله سياره لو انها دفشه لكن لها احترامها … عيبها وللامانه البترول … تراها شوي تصرف وبعد تانكيها صغير ولا غير هذا انا ماشوف فيها عيوب سياره شبابيه وقويه
بغض النظر ريال و له بنت
اذا انت صاحب عائلة كبيرة انصحك بالاستيشن
و اذا كنت شخص عازب فعليك بألـــFj عمليه اقتصاديه و عن تجربه
و خاصه الحينه تويوتا الفطيم مسويه عروض جدا روعه من ضمنها ضمان 5 سنوات بدون تحديد الكيلو
و تأمين مجاني سنه و تدفع نصف القصد لمدة سنه
و بعدين الابشن مميز في fj
حساسات , كيمرا صغيره للريوس , فل تماتيك ,, و ايرباق
النيسان حليو و انا كنت استعمله قبل FJ و عيبه انه مكيفه يحر في وقفة الاشاره الظهر
و يصرف البترول بشكل مب طبيعي
اخيرا حد عاقل رد علي هههههههه
انا ماداني الصالون وقلنا لكم رمستكم مال اولللللل
انا موتري فورويل حالياُُُُُُ
والماني لاء خلا ص انقرصنا-برادو لاء كشكل مب حلوه- فوق 6 ساندر لاااااااااااااااء
من كلام البعض منكم شكلي بختصر
يا اف جي
يا الكروزر مب كلوزر هههههههه – 6 سلندر
وليش مب الاف جي سياره اساسيه بلاها؟ اباها للدوام والطلعات وكل شي ولا تخافون مابوديها البر بعدنا ماطورنا هههه
وانا مابى سيارتين سيارة وحده تسد
واللكزس غالي لو انه فخم ودلع
اختي دامنج معزمه على واحد من هالثلاث مواتر فانا اقولج كشكل اييج فالترتيب
الفتك
الستيشن
الاف جي
والصراحه الاف جي لافيها فخامه ولا مميزات يعني الافضل تخلين خيارج بين الفتك والاستيشن
انتي تقولين ان شكل النيسان اليديد ماعيبج معناته بتاخذين الفتك بس مشكلته صرفيته للبترول
يعني لو بتاخذين فتك لازم تشترين وياه شيشة بترول
الستيشن ممتاز ماعليه كلام من جميع النواحي بس انا افضل الفتك كشكل
فالنهاية مري الوكاله وشوفي النيسان اليديد شكله بالطبيعه غير وبالصور غير يمكن تغيرين رايج ..
ووسعي شوي خياراتج وحطي الاستيشن لكزس بدال الاف جي
ويا اخوان سواء كانت ريال ولا بنت مع انيه ماعتقد انها ريال فالبنيه داخله عشان تستفيد .. فماله داعي المصخره وتضييع الوقت الي عنده معلومه مفيده يقدر يفيدنا ويفيدها بها يكتبها والي ماعنده يحتفظ بها لنفسه ..