السلام عليكم
اخوكم بإذن الله بيتخرج من الجامعة قريبا وناوي يكمل نصف دينه ويصون نفسه ويتزوج بالحلال وعلى سنة الله ورسولة
بدخل فالموضوع على طول بدون مقدمات
الحمدلله في بنت, الاهل من فترة يرمسوني عنها ( مجرد كلام الحريم ) ودايما يمدحونها لي .. ومن صارت الامور جد طبعا هي اول من صرت افكر فيها .. كل شي الحمدلله تمام ومافي اي مشكلة
لكــن فرق العمر بيننا مش كبير .. انا اكبر منها بـ 3 سنوات بس !!
انا ماكنت حاط فبالي انها مشكلة !! لين الوالد عرف بالموضوع يلس معاي وحاول يخبرني بطريقة غير مباشرة انه مب موافق على هالبنت لان فرق العمر مش كبير بيننا وهذا شي مهم جدا من خلال خبرته يقولي لازم يكون الفريق اقل شي 5 سنوات !! والامر راجع لي وهذي مجرد نصيحه منه
بصراحه احترت وابغي رايكم انتو اخواني اللي فالمنتدى اكبر عني الله يبارك فيكم ممكن تخبروني من خلال تجربتكم او من الناس اللي عاشرتوهم هل هو فعلا مشكلة كبيرة ولا مافي مشكلة ؟؟
وطلب بسيط لكل من يمر على الموضوع انه يدعيلي ان ربي يرزقني ببنت الحلال اللي تناسبني وتريحني وتصووني وتحفظني ماعليكم امر الله يبارك فيكم
في انتظاركم اخوانـي .. ربي يعطيكم العافيه
اعرف ناس يكبرون عن حريمهم 3 شهور مب سنوات
واعرف ناس اكبر من حريمهم 9 و 10 سنوات
اخوي ال3 سنوات حلوين ..كافيين ..لا هم وايدين ولا هم شوية ..
توكل على الله واتمنى لك التوفيق والذرية الصالحة ..
واذا محتاي مساعدة ولا اي شي ترانا حاظرين اعتبرنا اخوانك وفي وقت الحاجة عونك
ها بشر ازوجت ولا بعدك تدور *___*
في البداية الله يوفقلكم ويجمع ما بينكم على خير ويرزقكم الذرية الصالحة سواء مع هذه البنت أو غيرها
وما قصرو الأخوان كل واحد عطه رايه
العمر يلعب دور بس في بنات ما شاء الله عليهن لو صغار في العمر بس عقلهن كبير يعرفن يديرن أمورهن
وللأسف في بنات لو كبار بس تحس عقولهن صغيرة
ما يعتمد على هذا يعتمد على شخصية البنت إذا كانت من بنات هاليوم الدلوعات ولا تعرف تحسب الأمور
وإذا الله وفقلك معاها أو مع غيرها نصيحة مني الأحترام المتبادل والمحبة والود راح تغير أمور كثيرة في حياتكم
الله يرزقك بنت الحلال الطيبة ذات خلق ودين ويرزقك الذرية الصالحة
آميييييييييييييييييييييييييييييييييييييييييييييييي ييييييييييين
أول شي منو ضامن يعيش يوم ولا 20 سنة؟
ثاني شي انت بتعرف حالتك بعد 20 سنة مريض صاحي والخ ؟
وبخصوص الحرمة تعيز بسرعة منو قال أخوي الحرمة يكون فيها حيل أكثر من الريال وتتحمل أكثر منه، وإذا هذا فعلا الي يحاتيه أبوك الله يحفظه شو فرقت 3 ولا خمس سنوات ترا نفس الشي بيصير يت على فرق سنتين ؟
الواحد يعيش يومه ويخلي المستقبل مب كل شي تقدر تحسبله حساب لإن في ثانية ممكن يتغير كل شي، هل الزواج بيستمر؟ هل بتيبون عيال؟ هل انت بتقتنع بحرمتك وما بتفكر في الثانية ؟ ووووو
والله يوفقك
موفق بإذن الله … لك مني أجمل تحية .