السلام عليكم ورحمة الله وبركاته
شحالكم عساكم بخير
يايبتلكم شي ويايه
قريته في جريدة من الجرائد
قريته في جريدة من الجرائداسمه
برنامج متكامل من الخضراوات والفواكه والأعشاب
( طرد سموم الجسم في يوم واحد )
النظام سهل بحطلكم اياه نفس ما انا رتبته لكم وسهلته
يا الله خلونا نجربه كلنا اخوي جربه واختي العوده جربته بعد وكلهم يقولون فنان وحسوا بتغير بعده
بسم الله الرحمن الرحيم
الساعه 8 كوب من الماء الدافي مع نصف ليمونه.
الساعه 30-8 كوب من الماء مع معلقة بذر الكتان.
الساعه 9 الفطور ويكون عبارة عن احد أنواع الفاكهه الغنية بالماء ( تفاح او أناناس أو خوخ أو بطيخ أو مشمش أو كرز أو بابايا) ما عدا ( الموز والبرتقال).
الساعه 30-9 شاي عشبي ( شاي القراص أو البابونج أو الميرمية).
الساعه 10 عصير الفاكهه وهو عبارة عن ( اربع تفاحات, حبة كمثرى, عود من الكرفس) والمقادير يمكن عرضها على البخار قبل العصر أو إضافة الماء الدافي لها بعد العصر.
الساعه 30-12 الغداء ويكون عبارة عن ( سلطة خضار أو كوب من الأرز البني المطبوخ).
الساعه 2 شاي عشبي ( شاي القراص أو البابونج أو الميرمية).
الساعه 30-2 عصير الفاكهه وهو عبارة عن ( خمس حبات من الجزر, حبة تفاحة خضراء, عيدان من البقدونس).
الساعه 3 شاي عشبي ( شاي القراص أو البابونج أو الميرمية).
الساعه 30-3 فنجان واحد من بذور دوار الشمس وفنجان من الجوز الني.
الساعه 30-4 عصير النشوة وهو عبارة عن ( خمس حبات من الجزر, حبة أفوكادو, سبع ورقات من الريحان,قطعة صغيرة من الشمندر, وخمس ورقات من النعناع, تفاحة واحد, وبعض القطرات من الليمون) نضربه في الخلاط ويشرب.
الساعه 6 وقت العشاء والعشاء بيكون عبارة عن طبخة البوتاسيم والي متكونه من ( بعض من اوراق السبانخ الصغيرة, بعض من الكزبرة, حبتين متوسطتين من البطاطس, كوب من الشمندر المقطع, حبة جزر, خمس عيدان كرافس, كوب من البقدونس, القليل من بذر الكتان مع لتر من الماء) تفور المقادير شوي وبعد ما تفور تهرس قليلا بعد ذلك تضرب في الخلاط علشان تستوي شرات الشوربة وقبل ما تضرب بالخلاط تقدرون تحطون عليها القليل من زيت الزيتون وبعض من ملح البحر حسب الرغبة.
شو رايكم
(^_____________^)
خلونا نجربه وكل واحد يقول شو استوى بعد ما جربه
هههه يا في وقته
والله انا اسوي ريجيم حاليا لكن يوميا اخرب ما اكمل يومي فالريجيم هههههههههههههه
بس ما اخرب وايد little bit
وما اكل نفس قبل .. في خاطري اسوي ريجيم المشاهير
وايد ينزل واتصور انه تقريبا نفس اللي وضعتيه لنا صح ؟
ان شاء الله بتبع هالريجيم من باجر باذن الله
وبراويج النتايج على الخاص ^_^”
يعطيج العافيه اختي، ياريت…..
المشكلة يمكن نطبق يوم، يومين، وثلاثة، لكن بعد ذلك ( ياعمي سموم مين والناس نايمين)
ورجعت حليمة لعادتها القديمة.
ياسر
انا الصراحه ما فيه اطبق هالنظام
لا شكر على واجب اخوي
تصدق لو قلتلك اني سلتهم حل حسيتوا بالجوع قالوا لا مع انه اخوي من النوع الي يحب ياكل
وفي نظريه لو تلاحظها انه بيكون نظام صحي وواجب علينا جذيه ناكل
يعني نبدا اكلنا على الساعه 6 الصبح وتكون اخر وجبة الساعه 6 على انه قبل الساعه 8 مخلصين الاكل
لانه بعد الساعه 8 ما ينهضم الاكل الا ثاني يوم على الساعه 6
والدليل فترة الوجبات في المستشفيات
>>>> البنت تشتغل في وزارة الصحه
وفي معلومة قريتها من فترة بانه في نظام غذائي اسمه رجيم عارضات الازياء وطريقته سهله
انه تقدر تاكل من الساعه 6 الصبح على انه توقف الاكل على الساعه الساعه 6 وتقدر تاكل الي تبغيه بس شرط توقف على الساعه 6
خليت وحده تجربه وخفت 15 كيلو في شهر لاني حبيت اساعدها شوي وخليتها بعد صلاة العشاء تمشي ساعه وطبقة الرجيم الي من الساعه 6 للساعه 6 لا حرمت نفسها من شي و لاهم يحزنون والشي الي في خاطرها لو ما كلته اليوم تاكل باجر
مع تحياتي
دكتور بنت الامارات
__________________
مشكورة اختي بس شكلج تبين تموتينا من اليوع لو سويت لي تقولين بتشوفين شكلي شاحب جني صايم . لا نصوم ابرك ههههه .صحه واجر.