طرشي صورتج عشآن اخطبج

49 thoughts on “طرشي صورتج عشآن اخطبج”

1. اذا صادق ويبا يخطب يدش البيت من الباب مب من الدريشة واذا يبا يشوفها في شي اسمه نظرة شرعيه و تكون جدام الكل لكن صور و خرابيط لا ألف لا
   والوحدة وين بتودي ويهها من هلها لو عرفوا إنها طرشت صورتها و مهما كانت نيتـــــــــه الوحدة لازم تتحذر و اتبين له انها ثجيلة ومب سهلة

   ترا الريال يطلب من اهلها الصوووره ووايدين وافقو
   وطرشوا منهم عرسوا ومنهم العكس
   يطلب صوره من هني وهناك ويختار الاحلى بينهن
   =(
   اصلا وين بتودي ويهها لو رفضها من عقب الصوره
   فشله من الخااطر
   اشكرج عزيزتي ع الرد الحلو شرااتج
   ونتريا زيارتج مره ثانيه

2. الدين و الأخلاق
   الدين و الأخلاق
   النظرة الشرعيه

   أنا ممكن أتفهم طلب الصوره من اهلها كمحاوله لمنع جرح مشاعر بعض البنات الحساسات
   وبعدها ممكن التقدم للخطبه رسميا و النظره الشرعيه

   لكن الافضل و الصح هو الاستخاره. و ثم التوكل على الله و اذا حصل الرفض من الرجل او البنت فبأذن الله. الله كاتب لكم خير اكبر
   و عسى ان تحبوا شيئا و هو شر لكم

   وهذا هو المطلوب

   اكثر الشباب او البنات اللي يطلبون صور
   ينعرف ان همهم الاول الشكل وتفاصيل الويه
   الاستخاره تكون بعد الشوفه ومن بعدها يوصل الرد
   وعسى ان تكرهو شيئا وهو خير لكم =)
   واشكرك الزياره الجميله عاودها اخويه

3. الصوره وما ادراك مالصوره ,,,,,,,,,,,,,

   لا الخطابه تنعطى الصوره ولا حتى اهل المعرس ينعطون الصوره ……………

   من طق الباب لقى الجواب .. ابى اخطب بنتكم … تفضل حياك.. وبنتنا تشوفك نعم تشوفك يمكن انت ما تعجبها …

   واذا تم اللقاء الاجتماعي الذي حلله الله وبارك نتج منه الزواج المبارك , اذا لم يتم فأنعم الله على ماقدر عسي المانع خير .

   بقيت كلمتين مهمتين …….

   الصوره ما تنعطي لكي لا تحول على النت وما ادراك ما النت ؟؟ او تنعطي لجاهل لايعرف كنهها اقصد المعرس المنتظر!!!

   الثانيه … همسه في اذن بنتي واختي وبنات المسلمين وحتى اهلهم ……

   لاتزعلين اذا هذا وذاك بعد الخطبه لم يكن نصيب بل خلى اعزومج قويه ثقي بنفسك وشموخك قويه لان زوجك ما وصل ,

   واذا وصل صدقيني ما راح يتأخر زواجك ولا ثانيه .. لان الله يقول في محكم كتابه ( وكل شيئ خلقناه بقدر ) .

   ( كوني طفله مع وقف التنفيذ حتى ياتي النصيب )

   شكرا اختي escape life على هذا الموضوع الاجتماعي (ماغلطنا بالاسم هذه المره )

4. المظــهر .. الشـكل .. الخشـم .. العيـون ..

   هذه اول اولويــات اغـلب شبــابنا الحينه ..

   خلنـا نكون واقعيــين ..

   ايــام قبل ( الله يرحم ايام قبل) .. كـان اول سؤال يطري عالبـال : كيف صلاتها .. كيف اخلاقها..

   بس الحــينه .. اتوقع البعض يخليها اخر اولوياته .. هذا اذا ذكر يسأل عن هالاشيا ..

   للأسـف كل الهـم المظهر ..

   ان الله جميل يحب الجمال ما اختلفنا .. وكلنا نحب البنت الجميله والمملوحه .. بس ما تكون اول اولوياتنا ..

   الجمال يفنى .. والاخلاق والدين لا يفنون .. للي يفكر فـ الدنيا والاخره ..

   وبالنسـبه ل سؤال راختي .. شي ما ارضاه ع خواتي ما ارضاه ع غيري ..

   واذا هو ريـال راعي عرس .. يقرب ويجـابل العرب .. هب صـور ..

   لكـم ودي ..

5. هــلآ اعضآآء

   المعروف ان الوآآحد يوم يبي يخطب
   يشوف ويه البنت “نظره شرعيهـ”
   ويرد خبر لاهلهآ بالموافقه أو عدمهـآ

   بس هالايآآم سمعت من وآآيد بنات ان الخاطب
   يطلب صورة البنيه من اهلها قبل ما يخطبها
   والسبب..!!
   اذا ما عيبته يستحي يقولهم لآ
   يشوف صورتها عيبته يسير يخطبهآ
   ما عيبتهـ يدور غيرهآآ

   فشو رآآيكم انتووا مع ولآ

   السلام عليكم ورحمة من الله وبركاته ..

   والله يا اختي الصراحة أنا أشوف هالشي غلط !! والدليل .. اسألي الشخص اللي يطلب صورة كل وحدة يخطبها إذا كان هالشي يرضاه على وحده من خواته ولا لا ..

   الأمر الثاني ، يقدر يشوفها بالنظرة الشرعية جدام أهلها واخوانها ، وإذا حس بـلوم أو ما قدر يشوفها لأي ظرف كان ، يقدر يطرش أمه ولا خواته يشوفنها واييلسن ويا البنت وأهلها ..

   كلمة أخيرة : في هالزمن ، شكل وجمال البنت أو الريال لازم يكون الأولوية رقم 2 أو 3 للزواج ، والأولوية الأولى هي : الدين والأخلاق .

   والسموحة

Comments are closed.