السلام عليكم,
و أنا اتصفح المنتدى شفت بعض المشاكل بالنسبة للبيع والشراء من ناحية * ماوصلتني البضاعة , ما بعثت المبلغ , البضاعة غير …. الخ
انا صارلي فترة طويلة ما كتبت في المنتدى بس حبيت أفيد الشباب و رواد المنتدى 
حاليا بايبال Paypal تستقبل كريديت كارد اللي صادرة عندنا و بنفس الوقت تقدر إدز فلوس لأي واحد عنده حساب بيبال و يقدر صاحب الحساب يحول المبلغ لبطاقته الشخصية.
يعني مثلا أنا حبيت أشتري من *فلان1* لابتوب. لو عنده حساب باي بال, أدخل على حسابي في باي بال و أبعث المبلغ لـ *فلان1* . المبلغ راح ينخصم من بطاقتي الإئتمانية *فيزا أو ماستر كارد و بعض البنوك فيزا إلكترونك*
لو ماعندي حساب باي بال ؟؟؟
بسيطة, *فلان1* يقدر يدخل حسابه و يطرشلي فاتوره على إيميلي. لما توصلني الفاتورة, *عبارة عن لينك لموقع الباي بال* أدخل عليه و أحط معلومات الكريديت كارد و لاحاجة للإشتراك في البا بال على فكرة.
بس شالفايدة من إستخدام شركة مثل باي بال ؟ مب كفاية امريكية ؟
صح شركة امريكية و مادري شو بس على الأقل هذي الشركة تحفظ حق البائع و المشتري, كيف؟
أنا طلبت لابتوب من *فلان1* و دخلت حسابي و طرشتله فلوسه. صاحبنا *فلان1* وعدني بيطرش اللابتوب بعد يومين و اليوم الرابع أو الخامس يوصلني ..
طاف اسبوع و نص ماوصلني شيء !!!!
ادق و اطرش إيميلات ماشاي فايده !!!!!
بسيطة , دخلت على حسابي في باي بال, فيه خاصية اسمها Dispute أو بمعنا آخر جدال أو منازعة.
طبعا لما تبعث مبلغ يسألك هذا المبلغ تحويل بس ولا شراء و شو البضاعة *هذي الخطوة أول خطوة لما تبعث المبلغ* .. فا أختار أي تحويل راح يكون عليه النزاع .
باي بال راح يرسل رسالة لـ*فلان1* في هذي الفترة صاحبنا لازم يزود باي بال بجميع المعلومات مثل رقم البوليصة تبع الشحن و غيرها, إذا كانت معلوماته كلها غير صحيحة أو مارد خلال عشرة أيام ينسحب المبلغ و يرجع للمشتري واللي هو أنا.
إذا كان بو الشباب مسكين و مطرش البضاعة, راح يطلبون منه رقم البوليصة و يتأكدون إنه البضاعة في الطريق و بالتالي يسكرون المنازعة.
بس واحد سأل, اسبوع و نص الريال شل البيزات و شرد !!!!!!
لا, البائع لازم يعرف هذا الشيء إنه المبلغ اللي يتحول من باي بال الي حساب أي حد ياخذ وقت من اسبوع الى اسبوعين و في الوقت اللي تنفتح فيه منازعة يتوقف التحويل على طول اللين تنحل القضية.
باي بال طريقة مظمونة جدا للبائع و المشتري , أنا شخصيا صارلي 4 مواقف كنت بنسرق فيهم لولا بي بال و مبالغ كبيرة بس الحمدلله رجعنلي فلوسي.
أنا أئيد كا بايع يجرب الخدمة عشان المشتري يوثق فيك أكثر , الخدمة جيدة للمبالغ الكبيرة فيق الألف +
و الله يوفقكم
إذا أكثر من 10 طلبوا إيضاح لإستخدام باي بال راح أشرح بالصور في نفس الموصوع
يباله تثبيت ؟
بس حبيت أشرح للي حاب يستخدم الخدمة بالصور
الصورة التالية راح تكون شكل لوحة التحكم لما تدخل عليها
الرقم 1 :
إرسال مبلغ لشخص آخر: شرح أكثر في الأسفل
الرقم 2 : لطلب مبلغ من شخص آخر (ارسال فاتورة)
الرقم 3 : لفتح قضية, يعني واحد ماطرشلك أغراضك , تروح عند الرقم 3 و تتطلعلك خيارين , إختار الأول , بعدين راح يقولك إختار المعاملة و حط مسج و راح يقراها البائع, و إذا توصلتوا لحل راح تنلغى القضية و إذا لأ , باي بال راح تشوف الموضوع.
بانسبة لإرسال مبلغ لشخص أو بائع ..
الرقم واحد :
عنوان البائع .. البريد الإلكتروني, و إتأكد إنك كاتبه صح
الرقم 2 :
المبلغ بالدولار .. ما أدري إذا شيء بالدرهم بس ماتوقع
الرقم 3:
ليش ترسل الحواله, هل هي خدمة , أو أغراض أو شيء آخر , مهم تذكر عشان لو ماطرشلك أغراضك تكون كاتب بالدليل و الرهان ..
تقريبا هذا بس اللي تحتاجه لما ترسل مبلغ
معلومه !!!
بطاقة الكريديت كارد فيزا إلكترونيك تشتغل بس مش تبع كل البنوك . لاحظت بنك دبي و أبوظبي الإسلامي ماتشتغل و السبب هل البنكين البطاقة تبعهم محلية .. يعني بس في شبكتهم .. بعض البنوك الأخرى راح تشتغل .
بالنسبة لفيزا و ماستر كارد شغال 100% ..
بالتوفيق و إن شاء الله الموضوع يفيد البعض .. و أهم شيء الواحد حلاله , بالنسبة للبائع و المشتري بعد .
انا مشترك معاهم من سنين, قبل ماتقدر تشترك لازم من أمريكا .
حاليا تقدر تشترك من الإمارات عادي , و الحين تقدر ترسل فلوس لأي دولة في العالم ..
طال عماركم أنا اشتريت أغراض من إي باي من فترة, و الريال اللي اشتريت عنه ماكنت ظامننه عدل .. بس قلت يالله يمكن يطلع ولد حلال.
اللي شككني فيه إنه مشترك يديد. المهم فزت في المزايدة و طرشتله المبلغ .. قالي هو ينتظر الفلوس تدخل الحساب الأول بعدين بيطرش .. عطيته مهله إسبوع ماقام يرد .. على طول طلبت منازعه على التحويلة و تم إيقاف المبلغ .. باقي يومين إن شاء الله و راح ينظرون في الموضوع و يردون علي خبر .. هذي مب أول ورة بس دايما كانت فلوسي ترجع ..
و مشكورين على الرد ..
السلام عليكم
الي اعرفه الباي بال … مب مفتوح عندنا في الإمارات .. أقصد من كلامي ما يستوي
عن نفسي عندي يوزرنيم وباسوورد
بس ما قدرت اسوي الطريقه الي قلت لي عنها
عشان أسوي الطريقه هاي او اي طريقه ثانيه
يطلبون مني معلومات البنك
وفعلا حطيت معلومات البنك الي اتعامل وياه في الإمارات
قالوا ما يستوي .. لازم البنك يكون في امريكا
وهذا كلامي بالمختصر المفيد
مادري جان غيروا نظامهم .. هذا والله العالم
شكرا
شكرا اخوي
انا استخدم paypal من تقريبا 3 سنوات و صراحة موقع جيد بس المشكلة ان ما في تحويل لي اي بلد عربية يمكن انك تحول مبالغ بس ما تقدر تستفبل من اي مكان من العالم….و اعتقد انهم يمكن حلو المشكلة..
وعلي اي واحد يريد يشترك في الموقع يسجل معلومات صحيحة لان هذا الموقع مضمون 100%
يباله يا خوي
يزاك الله كل خير بتحل وايد مشاكل بهالموضوع
سمعت عن البي بال بس ما اعتقد ان السالفة جدية ومضمونة فسكرت الموقع ونسيت السالفة لوول
ربي يجزيك كل خير وعساك ع القوة