السلام عليكم ورحمة الله وبركاته ….
بناء على استفساراخوانا الخليجيين في غرفة البالتوك ……عن طريقة استخراج رقم مستثمر في سوق دبي وبوظبي …
اول شي ….
استخراج رقم مستثمر …طبعاً رقم المستثمر في سوق دبي يختلف عن رقم المستثمر في سوق ابوظبي للأوراق المالية ….
المطلوب / صورة الجواز + صورة من خلاصة القيد ……مجرد الذهاب للسوق وتعبئة الطلب من اجل استخراج رقم المستثمر …..
واللي عنده اي استفسار …..يقدر يستفسر …وان شالله الاعضاء راح يجاوبونه ….
اتمنى من الاخوة المشرفيين تثبيت الموضوع …والتوسع فيه …لمصلحة الجميع
السلام عليكم،
يا جماعة الخير بعد الإكتتاب في أسهم الطاقة وصلتني رسالة نصية قصيرة عن طريق الموبايل فيها رقم المستثمر لسوق أبوظبي وكان الرقم على النحو التالي:
UAExxxyyyyyyyzz
xxx: رقم البلدة في خلاصة القيد.
yyyyyyy: رقم الأسرة في خلاصة القيد.
zz: رقم الصفحة في خلاصة القيد.
هل أكتفي بهذا الرقم للتداول علما بأن وسيطي الإسلامي للخدمات المالية ولا لازم أذهب لسوق أبوظبي لإسخراج بطاقة مستثمر؟
أستخراج رقم مستثمر لسوق أبوظبي للأوراق المالية : المطلوب صورة من الجواز + صورة من خلاصة القيد (الجنسية) تتضمن الصفحة الأولى وصفحة رب الأسرة وصفحة مقدم الطلب + صفحة رقم 26
تعبئة الطلب الخاص بأصدار رقم مستثمر (موجود عند الأستقبال) وأخذ رقم الدور والأنتظار لحين يأتي دورك ومن ثم تحصل على رقم المستثمر في نفس اليوم .
أما بالنسبة لسوق دبي المالي نفس الطريقة ونفس الأوراق المطلوبة وستحصل على رقم المستثمر في نفس اليوم .
بعد ماتأخذ رقم المستثمر تبحث عن وسيط يناسبك (ماشي وسيط أحسن عن الثاني) بس أسال أصدقاءك وأسأل بعض المستثمرين وفي مواضيع كثيرة في المنتدى عن الوسطاء و إن شاء الله راح تحصل الوسيط الي يناسبك وقدم طلبك عنده وراح يطلب منك رقم المستثمر الخاص بسوق أبوظبي وسوق دبي + صورة من الجواز وصورة من خلاصة القيد وراح يعطيك رقمين مختلفين واحد خاص لسوق دبي والثاني لسوق أبوظبي (أرقام تختلف عن أرقام المستثمر) كل وسيط له رقم تداول يختلف عن الوسيط الآخر .
وإن شاء الله أكون أفدتكم بشيء
وبعد رقم المستثمر كيف أختار وسيط يعني اذا أخترت وسيط مالي وأفضل واحد يتعامل في السوقين
شو بيطلب مني ………….؟؟؟ أفيدونا ترانا عندنا أسهم بس لين الحين ماسجلناهن في المقاصه ولاحطينا وسيط وجزاكم الله كل الخير عنا …..
يعطيك العافيه اخوي بالنسبه لسوق بوظبي
نفس الطلبات الجواز وخلاصه القيد
واسبوعين الى شهر بس مادري تحسن التعامل الان ولا نفس اول
طيب اخوي مشكور ياليت تقول لنا كيف استخراج رقم مستثمر من سوق ابوظبي