طفح الكيل “ياخي كرهت سيارتي”

19 thoughts on “طفح الكيل “ياخي كرهت سيارتي””

1. تعرف شو تسوي
   ركّب اربع كيمرات كل وحده في صوب
   وراجع كل حركة استوت عدال سيارتك
   من الوقت اللي حولت فيه الين ردتك الى البيت
   وعقب اذا اكتشفت محاولة سرقة او اضرار بمتلكات الغير عاد عندك الشرطة

2. والله ماعرف شو اقولك بس انا مقهووور حالي من حااالك والله

   ناس مادري شو تفكيرهم يوم يسوون لك جي بالسياره

   احسن شي خذلك دراجه و دااااوم فيها ابرك لك من السياره والبلاوي الي اتيي عليها

   الله المستعاااان ياخووك

3. الله يعينك اخوي

   انا بعت سياره بعد ما صبغتها بسبب ان واحد قام بشخط السياره بمسمار

   من الليت الخلفي لغاية الليت الأمامي .

   صحيح ان الموضوع يقهر بس ما بيدك حيله الآ انك تتعوض الله

   وما يسوي هالسوالف الآ أولآد فيهم قلة أدب ولآ مبالآه بأموال وممتلكات الغير

   غض النظر عن الجنسية أما ضربات الباب فمعظمها من الحريم

   يوم تفتح الباب تدفعه بقوه وما تمسكه لين يضرب في باب السياره اللي حذالها

   خلي الضربات على حالها يمكن تبعدهم عن سيارتك

   لآحول ولا قوة الآ بالله العلي العظيم

4. بحسب خبرتي..انه هالحركة تستوي غالباً من الحريم..

   بشكل عام..هالنوعية من المشاكل يبالها تثقيف اعلامي…

   انا اكثر من مرة ,,اكون يالس فالسيارة اتريا حد..ومرة اسمع صوت طققققق..واشوف حرمه فاتحه باب سيارتها ع سيارتي..وعاد الحين الموتر من كل زاوية فيه شحفه..

   الله يعين..

5. بس الملخص انها وقاحة وحقد بعض الجنسيات بفج الباب عمدا قو على سيارتك

   وانا بعد ملاحظ هالشيء, وكل مره تستوي واشوفها جدامي
   ماتكون إلا من الوافدين والاجانب..

   بعض الجنسيات في بلادهم السياره مشحفه ومدعمه من كل صوب
   وبعدها تتسجل وتمشي في الشارع وهو مستانس.

   لكن نحن مثل مانحب سياراتنا بلا خدوش وشحفات
   نخاف على سيارات الغير في الباركنات..

   مرات يوم احس الباب بيدق في السياره اللي حذالي
   احط ايدي على الباب من برع,
   عسب اول شيء يلمس بدي موتره ظهر ايدي.

   حتى لو سيارته مشحفه وموديلها جديم
   بس اللي مايرضااه على نفسه مايرضاه لغيره بعد

   والسموحه

Comments are closed.