السلام عليكم ورحمة الله وبركاته,
يا جماعة مادري اذا انا الوحيد الي امر في هذه المواقف او انتو بعد !!!
بصراحة حزين واليوم قررت اني اكره سيارتي 
ادفع 335 الف درهم على سيارة (دم قلبي و كاش)
في الدوام عندي باركنج (ظله)
في البيت عندي كراج داخلي (ظله)
ما اطلع من البيت وايد
و اخر شي ايحصل خدش طويل على الباب !!
سرت الوكالة و قالوا لي 4000 لصبغ الباب (مصرف بوظبي الاسلامي مال ابوي مثلا !!)
توكلنا على الله وصبغنا (وايد كنت احب سيارتي)
عقب فترة حد فاتح باب سيارة (شكلة بكل قوة ومال عمك ما يهمك) وضارب الباب الخلفي للسيارة !!
يعني الموضوع 4000 درهم مرة ثانية !!
واليوم عقب الصلاة رحت اشيل غرض من السيارة و حصلت في خدش يديد فالمقدمة!!
بصراحة عفت السيارة و عفت نفسي و باذن الله المرة الثانية ما بشتري سيارة أحلامي بشتري كورلا ولا سويفت وهذه السياير ونار تاكلهم.
بن يوسف
ياخوي ليش ماتركب حمايه جلاد شفاف ع بدي السياره
مايحضرني اسمه بس وايد شباب متكلمين عنه في المنتدى
دور وبتحصل . .
ولله يعوضك ياخوي .. ناس في قلبوهم حسد ..
ركب كيمره مراقبه داخل السياره
موفق بإذن الله … لك مني أجمل تحية .
الطيب ما يجوز تفدي حق السياره يعتبر بدعه وشرك اصغر بالله والعياذ بالله
الله يكون في عونك
بس انت لادقق وايد
ان كنت ادقق ودووم مهتم في سيارتي
وكل فتره يخترب فيها شي