السلام عليكم
اليوم ف مسجد الجمعه شفت ياهل طفربي وطفر بكل المصلين فالمسجد
يالس ويتضارب ويا ربيعه ويالس حذالهم باكستاني كل شوي ايره من اذنه
او يشل غترته ويشر على ربيعه اونه هو االلي سوى الحركه وبعدين قام الصبي
وهو مار ضرب هندي شيبه مسكين فريله ويلس يهزبه اونه سولي درب الهندي
خلاه يخطف بعد ما مر ظرب الهندي على راسه وشرد وولد اخويه الصغير يالس
جدام حذال ابوه اترياه بس يقوله شي والله بسحبه من اذنيه وبكفخه تكفيخ يلين
ايي ابوه وبظربه فوقه بعد. حشى ما يعرفون يأدبون عيالهم والمشكله محد يروم
يرمس فالمسجد ولا يهزبه والله اني خاطري اسحبه اوديه الشرطه واقولهم لا تأدبونه
ادبوا ابوه
واسمحولي بس حط نفسك مكاني شو بتسوي؟؟؟
مرده بيتشاوفون في البيت
__________________
نحنا فالمسيد الي نصلي فيه يهال نفس الي قتلهم ولا عيال عياله يعني يستوي يد الولد المهم …
عقب صلاة اليمعه قام أول ماسلم سيده عق عقاله وداااااايركت صوبه ويوم شاف الولد انه يده ياي هههههه على طووووووول بره المسيد هو والي وياه من الصغاريه بس حضه مازخه ولا بيروح فيها ..
ههههههههههه
مشكله يوم اييك واحد لوح مايحس
الغالي هذا نفس الطيطار ما حد يروم يزخه ولا يقوله شي انا لو زخيته ورمسته بيترياتي اسير السياره وبيصوب هاذيح الحصاه اللس تقول رصاصه وبيكسر الجامه وبيشرد
الأب وده يعود ولده على حضور المسجد والصلاة ويمكن الأب كان منشغل بالصلاة وما لاحظ تصرفات ولده..ويمكن لاحظها وبيهزبه عقب الصلاة..
ولكن كنت اخويه عقب الصلاة تاخذ الولد على صوب وتعطيه هالمحاضرة السنعة اللي ما ينساها طول عمره..
أحياناً في صغرنا يوم يودنا شخص كبير مانعرفه ويهزبنا لكن طبعاً يكون الشي في صالحنا..يتم الكلام يرن في الأذن طول عمارنا..