السلام عليكم ورحمة الله وبركاته ..

اخواني حبيت اسوي هالموضوع لاصحاب الجمسات واستفساره ..

مثلا الي حاب يبيع اي قطعه من سيارته

والي عنده شي في السياره ومايعرف شوسالفته..

والي حاب يطلب اي قطعه ..

والي يدور احسن محل للتصليح الامريكي ..

يحطه فهالموضوع وان شاءالله الاعضاء مابيقصرون وياه ..

وان شاءالله نحصل تفاعل وياكم ..

اخوكم بوحميد العيناوي ..

والـــسموحه ..

81 thoughts on “طلبات الجمس واستفساراته ..”

  1. ياريال لا تخلي شي بخاطرك

    ركب الفلتر عادي بس قبل ماتروح الوكاله بطله

    انا جيه اسوي وهم مايدرون بالسالفة

    الامور طيبة

    والله شكلي هذا إلي بسويه

    الموتر باجيله شوي على التجييك و أول ما يظهر من الوكاله بدز الفلتر عليه و إذا ما عيبني صوته ناوي على الكاتباك إنشاء الله

    و عموما كلمت واحد من الجنرال موتورز و قال إن الضمان مش ضمان الوكيل
    الضمان من الجنرال موتورز و أي وكيل موجود في الشرق الأوسط يقبله
    يعني إذا سوولي بلوك على الضمان من ليبرتي بدخل الموتر الكندي أو بن حموده و الأمور في الروووووب

    و مشكووووووووووووووووووووووووووووووووووووووووووووووو وووووور شيخي
    و لا هنت

  2. السلام عليكم ورحمة الله وبركاته

    شباب بغيت اسأل عن موضوع الضمان في ليبيرتي

    أنا عندي تاهو 2010 بس مطلع في 2011
    و باغي أدز عليه فلتر و كات باك بس خوفي أن الوكاله يتعنترون عالضمان ((( انت منركب أشاء إضافية و طاح ضمانك))

    سرت عند الكندي عسب الفلتر و عطاني سعر واصل القمر = 3000 درهم

    و انا ابغي afe
    ف هل يأثر على الضمان ولا لا

    و السموووووووووووووووووووووووووووووووووووووووووووحه على الإطالة

    ياريال لا تخلي شي بخاطرك

    ركب الفلتر عادي بس قبل ماتروح الوكاله بطله

    انا جيه اسوي وهم مايدرون بالسالفة

    الامور طيبة

  4. الدوريات و جمسات الحماية دعامياتهم غير
    العدامية الي ورا تكون شرات الدعامية إلي جدام بالضبط من ناحية الحجم و الشكل و البيبات إلي في النص
    بالإضافة إلى ان في بيب يطلع من الدعامية لين زاوية البمبر (( صوب المدقار)) من كل جهة
    و الدعامية إلي ورا نفس الشي

    بس إلي ادورها شفتها وايد على السيرا و السيلفرادو و اتكون أصغر عن الدعامية إلي جدام

    و السمووووووووووحه على الإطالة

  5. سامحوني شباب
    أسئلتي وايد هالفتره هع هع هع

    اذا حد عنده معلومات عن دعامية الشرطه لكن مش حق جدام الموتر
    هذي الدعامية اتي قطعتين و بدون بيبات بينهم و تركب ورا الموتر

    إلي عنده اي معلومات من وين احصلها و كيف تركيبها يخبرني الله يخليكم

    و السموووووووووووووووووووووووووووووووووووووووووووووو ووووووووووووووووحه

    تحمل اخوي هذي على طول تخالفك الشرطه لانها بس حق دوريات الشرطه هذا الي اعرفه والله اعلم …

Comments are closed.