السلام عليكم و رحمة الله و بركاته
إخواني , أنا سويت موضوع و عرضت فيه سلع و الحمدلله في إقبال و لكن كوني مبتدأ في هذا الموضوع , أريد مشورة الأغلبية على الطريقة المثالية التي يجب علي إتباعها لكي أستطيع إستلام فلوسي و إرسال السلعة للطالب بطريقة آمنة و صالحة و بدون ما يكون فيه أي إزعاج لكلا الطرفين
أنا شفت الموضوع المثبت و لكن حسيت ان فيه تضارب آراء و انا بعد ضعت , فعندي كم طريقة و ان شائ الله تكون وحدة منهم زينة و إذا لا , يا ريت تشاركوني بطرقكم لو تكرمتوا
الطرق التي أفكر بها هيا :
1 – أفتح حساب في أي بنك و أطلب من المشتري إيداع المبلغ بالحساب و انا علي أن أرسل السلعة بالأمبوست او الأرامكس كونهم شركات سريعة و لكنهم يفتقرون من خاصية سلم و إستلم
2 – أن يتم تحويل المبلغ المالي عن طريق الأنصاري و أنا بدوري أستخدم نفس الطريقة اللي ذكرتها قبل شوي ( شركة الأمبوست أو الأرامكس )
3 – أن تعرضوا علي الشركات الـ 100% مضمونة من ناحية إستلام المشتري بضاعته بوقت قصير و إستلامي فلوسي فوراً
أرجو من الجميع مساعدتي و أنا بإذن الله سأكون شاكر للجميع
تحياتي
أبو عيسى
لا اخوي مب محبوبة
لان الواحد او الوحده لما يتسوق من خلال الانترنت يبا خدمة كاملة ومريحه وهو فالبيت بدون ما يطلع
وشي ثاني هذي الحركة متبعه من كثير من النصابين حولولي البيزات على حسابي وبعدين بطرش وبعدها ما نشوفه
فاسهل واضمن طريقة لك وللزبون هي سلم واستلم
وبالتوفيق ان شاء الله فتجارتك
كلامك صح يا إختي و لكن تخيلي , أنا في بوظبي و على سبيل المثال عندي طلب في راس الخيمة و طلب في بدع زايد و طلب في العين , انا شو أسوي ؟ و كيف بلحق اوصلهم , يبالي يوم لين ما اخلصهم معناها الواحد لازم يكون متفيج لتجارته و لكن مافي حد جذي , كل واحد عنده إلتزاماته عسب جذي الواحد يستعين بشركات التوصيل ..
مشكور للجميع على مشاركتكم الطيبة
بس ما حد قال لي , موضوع اني افتح حساب و الزباين يطرشون عليه , مو محبوبة هذي الفكرة ؟
انا انصحك سلم وستلم الان الاعظااء بيقوولوون
ماانقدر نحول البيزاات مااعدنا حد وغيره
واحسن طريقه مرظيه لطرفين سلم وستلم
ونا معااك انه الامبووست والاراكس سريعين
بس شوو تسوي لازم ترظي زبااينك ب الاول
اخويه انا اتعامل مع شركة راك اكسبريس للتوصيل 25 درهم ،،
و عندك شركة امبوست + شركة هوت لاين
و سلم واستلم احسن طريقه تتبعها في تجارتك
والله يوفجك ويرزقك من حلاله
الهوت لاين سلم واستلم ب25درهم ماتعاملت معاها بس احد الاعضاء اللي شريت منهم عطور طرشه معاهم واخذ يومين عشان يوصل خدمتهم زينه…
الاارمكس عندها الخدمه سلم واستلم اعتقد ب40درهم بس لو نزلت الموضوع بموقع سوق وخليت الاعضاء يطلبون من الموقع بينحسب التوصيل ب14درهم على ماظن بس المشكله بارامكس التاخير الدائم اخر مرة شريت موبايل من المنتدى والعضو طرشه بالارامكس وربي الشاهد وصلت بعد 10 ايام!!
اما الامبوست خدمتهم سريعه ثاني يوم يوصل بس المشكله عدم توافر خدمه سلم واستلم
هاللي اعرفه بخدمه التوصيل بسلم واستلم
وان شالله باقي الاعضاء يفيدونك