طلب: استشارتكم فاختيار سيارة بسعر لا يتجاوز 300 ألف

26 thoughts on “طلب: استشارتكم فاختيار سيارة بسعر لا يتجاوز 300 ألف”

1. دامك تباها حق عايله
   عليك بسيارتين
   لكزس 570 او مرسيدس GL500

   وخلك من الجمس
   فرق بين كواليتي اللكزس والمرسيدس وكواليتي الجمس
   اليوكون الخشب ماله تقول بلاستك والجلد نوعيته مب اوكي ومب فخم

   اللكزس اعتبره افخم فورويل في فئته ديزاين رووعه من دااخل ومن برع وهاديه وثابته
   وماعليك من البريك هاي لكزس فورويل مب لامبورجيني وانت مابتداعس ع 200 عسب تبدل بريكاتها كل 5000 كيلو

   والمرسيدس GL500 فناانه اخوي عنده ما شاء الله قوي واقوى عن اللكزس وفخمه وكواليتي ما شاء الله ماعليه رمسه وسواقتها حلوه وثااابته بس عيبهاا انها وايد حشره عقب 120 الصوت يتم شغال ليت تطفر هههههـ
   ومثبت السرعه لازم تضبط السرعه اللي تباها قبل 120 لان عقب مابتروم تسوي شي في الكروز كنترول واذا كنت مثبت ع 140 وضربت بريك وييت تسوي resume لازم تنزل لين 115 عقب ترد للسرعه اللي كنت مثبتنهاا

   المرسيدس خذه 2009 لانه 2010 وكاله سعره 380 الف تقريبا بس 2009 مستعمل تحصله جريب 290 – 300 الف
   واللكزس شرات ماقالوا الاخوان 2009 تحصله 280 الف

   واذا تبا وكاله مب مستعمل عليك باستيشن 8 سلندر 2010 في الوكاله 250 الف

   ودر عنك الكاديلاك والدينالي

2. السلام عليكم ورحمة الله وبركاته

   v8استيشن او زيد شوي ودلع عمرك ب لكزس 570

   واشتري راحتك

   الله يوفقك

3. انا انصحك بالاستيشن 8 سلندر
   موتر عائلي ومريح وسعره مقبول
   وفالوكاله يتحصل موديل 2009 ب 220 الف طبعا اذا بعده متوفر عندهم

4. اذا يهمك أسعار قطع الغيار عليك بالاند كروزر او الانفنتي

   لكن اذا امورك طيبة عليك بالكاديلاك أو المرسيدس اس 350 أو اي 350

5. بس اخواني الريال قال موتر عائلي

   مب شرط تكون فورويل

Comments are closed.