السلام عليكم
السنة الماضية تعاقدت مع شركة رش مبيدات بعقد سنوي.
يجون البيت يرشونه بأنواع مختلفة من المبيدات تضمن نظافته من الحشرات لعدة أشهر.
وإذا رجعت الحشرات أتصل فيهم ويجون يرشون في أي وقت خلال السنة مجانا.
كانت الشركة ممتازة في البداية بس بعدين بدا مستواها ينزل.
الحين خلص العقد السنوي وأدور شركة جديدة.
نفس الشئ عقد سنوي يجون يرشون كلما احتاج البيت.
يقضون على كل الصراصير والسماسيم والطياطير والعناكب والفيران.
خدمة راقية نظيفة وبعناية فائقة.
حد منكم يعرف شركة زينة جربها؟
أنا في دبي.
مشكورين يا شباب.
منقذ
مافي؟
منقذ
يا أخوان أنا ما أدور شركة وخلاص.
أدور شركة مجربة.
منقذ
لا تعور راسك ..
اتصل للبلديه .. قسم المبيدات الحشريه .
بيونك لين البيت ..
مرحبا
افتح مجلة الوسيط وبتلاقي 20 شركة
والله ما عندي فكرة بدبي
اتصل بالاستعلامات وأسألهم عن أكثر الشركات يطلبونها الناس واستفسر من الشركة على خدماتهم والضمانات اللي يقدمونها
وربي يوفقك ان شاء الله