السلام عليكم ورحمة الله و بركاته ،،،
يا جماعة الخير شو البنك اللي ممكن يعطي قرض لإنسان من بني آدم (شخص) يكون كمل 6 شهور دوام
و راتبه 5400 درهم و يعمل في شركة اسمها كارلسون ماركتنج في أبوظبي .
لأن أغلب البنوك اللي سرنا لها شروطهم صعبة ( أسهل شرط مر علينا للحين ان الشخص يكون مداوم ع الأقل سنة و راتبه فوق الـ 10 الاف درهم و أكثر ) .
أفيدونا يا اخواننا الأعزاء لأن القرض محتاجينه لظروف طارئة و ما تقصرون يا الغاليين .
أخوي عادة يكون أفضل شيء توخذ القرض من أحد البنوك إلي شركتك لها حساب فيها.
وثاني شيء يعتمد على المبلغ إلي انت طالبه.
ولو كان مبلغ موب كبير ممكن توخذ بطاقة إئتمانية من باركليز بنك أو حتى من بنك الإتحاد .. ويم تيجي تبي المبلغ عندهم خدمة تحويل المديونية لنظام القروض للتقسيط … راح تكون الفوائد أعلى لكن المضطر ..
وحاول ما تلجأ للبطاقة الإئتمانية إلى كحل أخير ..
لأنها مثل الرمال المتحركة..
ولو إضطريت توخذ بطاقة بس تكمل سنة بالشركة خوذ قرض عادي وسدد كامل مبلغ البطاقة وكنسلها ..
والله يفرج على جميع المسلمين والمسلمات في كل مكان
الله يسهل أمووووورك أخوي