السلام عليكم ورحمة الله وبركاته
اخواني، كلنا نعرف النيسان وغلاته على قلوب الكثير منا،
حد يقول النيسان قليل الاحسان
وحد يقول النيسان طويل اللسان
لكن يبقى بو نسّه هو الصديق حين تضيق بك الدروب ، ويزعل عليك الحبيب، ويصفّر حسابك فالبنك، وماتلقى جدامك غير الفتك واقف فالجراج يترياك ادقه سلف، وتقبض به خط طويل ينسيك همومك، او عرقوب كبير، يصعد بك الى اعلى قمم الطموح،
عجز المفحطين والمتسابقين ان يجدو افضل وصف لهذه الآله الرهيبه التي لا تقف عند حد، فقد وجدنا من (يزود) النيسان الى 1000 حصان، ووجدنا من يقفز فيه بين العراقيب (تقول يراده) ، ووجدنا من يسابق فيه اسرع السيارات فالعالم امثال الفيراري والبورش والمرسدس الخ الخ
لكن صاحبنا اليوم الله يهديه حب يطلع ب بدعه يديده لم يسبقها اليه احد، وفكر انه يبتكر اول نيسان برمائي فالامارات، اخليكم مع الصوره الي تغني عن الف كلمه
اوبس قصيت عليكم 
هاي الصوره :
تبون صوره اقرب ؟؟
صدق المثل الي قال: شو تبا فالبحر واهواله وارزاق الله عالسيف،
ايوه، ايوه يالمتعني يالمتصرف ، شعللها انته،
افا عليك لا تخاف شيكت على رقم الموتر، طلع مال دبي مب مال المنتدى
فضيحه يا ريال، القايله الظهر الطير مايطير، والريال (مغرز فالماي)
بعدين منو قالك؟ حتى لو كان فالمنتدى عادي وايد شباب يحطون فضايح… اقصد تجاربهم، شو انته ما تابع
مش حتإدر تغمض عينيك
dude !!!
بلللللللل
وثرههم نص الشباب يبون يعلمون سياييرهم سباحه ؟؟
تسلم اخوي ، الله يكفينا من البحر واهواله
أنا من شفت بابيرو اللي منزل الموضوع حطيت إيدي على قلبي.
قلت، هذا ويا حصانه الأبيض ما بييبها عـ بر. << طلعت يايبنها عـ بحر.
ياخي إنته تحفه.
إنزين، ما دار فـ بالك إن راعي الموتر عضو ويانا !!!
لازم تتشاتمون جدامنا يعني !
أسميني بضحك ضحك إن كان ويانا.
حاول قبلك الـ ستيشن – بجلالة قدرة – وغط!!
وحاول أخوك الكبير .. ولا قوا ..
وحتى أخوه الصغير .. وطاح الـ باث!!
وحتى اللي حاول ( غواصي ) .. كانت نتيجته …!!
وش لك فالبحر وأهواله يا الـ نيسان..
خلك على حشمتك فالبر ..