اليوم كنا سايرين صوب فلج المعلا (الفلي)
وصلنا الذيد في طريقنا الى الفلي
الشارع مزدحم والسيايير واقفه ما تمشي وكلها
عاطيه اربع إشارات
وكل السيايير من نوع اللاندكروزر ونياسين ودخان وغبره
وشباب متيمعين على الشارع الرئيسي ؟؟؟
قلنا الله يستر اكيد حادث كبير ؟؟؟
واللي نزل من سيارته يتفرج وناس تصعد على الرصيف وتلف عكس السير
اتخيلووووووووووووووا هذا كان استعراض من شباب طايشين الله يهديهم على الشوارع الرئيسيه للفلي والذيد
لدرجة انه واحد منهم انجلب كان في اللاندكروزر وسيارته تحطمت
ما ادري كيف عدل سيارته وشرد بين المزارع اتوقع ما عنده ليسن(مثلي) ليسني محجوز ؟؟
وطبعا الدوريه نايمه في العسل نومممم ( الله يهنيهم )
الله سلمه وحفظه والباقين كملوا استعراضاتهم
ما ادري شو اسمي هذا هل هو غرور ولا طيش ولا بطره
ليش وصل إستهتار الشباب للدرجه هذي ؟؟؟؟؟
الله يحفظهم ويهديهم
وايد هالحركات هذا يرقبونه الويك اند الحين راقدين ولا يصلون بعد الجمعه اليوم الله يهديهم بس
لا حول ولا قوة الا بالله العلي العظيم
هم مب شايفين الحوادث اللي قاعده اتصير كل يوم والثاني
الله يهديهم ان شاء الله
الحينه الطيش والتهور .. ما استوى الا بها المنطقة ..
….؟
اذكر قبل كنت ساير انا هنااك وحصلت لهم يصيحيوووون ويلاااااااات …
هالمنطقة تابعة للذيد …
بس المنطقة حلوة ^_^
الله يهدي شبابنا