السلام عليكم ورحمة الله وبركاته

سؤال لكل الاعضاء الكرام في المنتدى…

كل واحد فيكم يغمض عينه و يسترخى و يصفي ذهنه و يسأل عمره ماهي أسباب ظهور (بعض) المحافظ بشكل مخيف في الاونه الاخيرة ولماذا الناس تشارك في هذه (بعض) المحافظ مع ان الضمانات غير كافيه و دخول الششبهات الخ

و اوقات الشركات (بعض المحافظ) غير قائمة أقصد من غير تسجيل او اسم تجارياو حتى مكتب (غريبة)

اوقات (بعض) صاحب المحفظة لا يعرف بنفسه, فقط عن طريق الوسطاء الي لهم نسبة كبيرة (مب غريبة)

حاليا (بعض) المحافظ تتحقق لك 30% من راس مالك في اخر الشهر (غريبة)

لماذا البنوك لا يفتحون محافظ و تعطي10 % في الشهر علما بان البنوك ارباحاها خالية من الفوائد و التجارة و الايجارات و الاكتتابات ودعم الحكومات المحلية الخ (مب غريبة)

لعلمكم انا و انت وهو وهي نقدر نفتح محفظه بل محافظ و نعطي 30% شهريا و اعتقد الفطين عارف شو هي اللعبه في موضوع المحافظ…

أنا لا اشكك في ذمم الناس لكن مجرد كم من سؤال عالطاير للاعضاء الكرام طرى على بالي….

الله يبعد عني و عنكم مال الحرام وبالتوفيق ياخواني.

51 thoughts on “ظهور محافظ بشكل مخيف”

  1. الي يبا يدش محفظه ربحها 30% يكلمني على الخاص ( للجاديين )

    ما تستحي على ويهك لكن العتب على المشرفين.

  2. أي موضوع مالي غير مبني على معلومات واضحه من كلا الطرفين يقصد به التلاعب والاحتيال من احد الاطراف

    السلام عليكم ياخوي

    كلامك يدل انك حذر (مثلي) و ربي يوفقك

  3. طبعا راس المال اهم شي لاي عمل تجاري …

    وكلما كبر راس المال زادت الفرص التجارية والربحية ..

    اما بالنسبة للعقود لاي محفظة استثمارية .. يعني يتطلب تحويل العمل التجاري او الشركة او اي كانت الجهة التجارية الى محفظة استثمارية مسجلة وهذي بتفرض على المحفظة اشياء كثيرة منها تحديد نسبة الربح . فرض قيود من قبل البنك المركزي وما نبغي نقول ضريبة راسمالية .. وغيره وغيره ..

    لكن بالنسبة لي انا اذا ابغي اتوسع في تجارتي وزيادة دخلي .. انا افتح المجال ان حد يساهم معاي في زيادة راس المال .. وانت كمساهم مطلوب علي اعطيك نسبة ربحك الشهرية من مساهمتك .. عشان ترضى وتثق فيني .. لكن اذا انا قلت لك تساهم وياي و بعطيك ارباحك على نهاية السنه ما بترضى لانك بتخاف تخسر راس مالك .. و هو في النهاية التجارة ربح وخسارة .. وانت ماتدري انا ممكن بس عشان ازيد راس مالي بنسبة 40% على نهاية السنه قد شو تأثرت عشان ارضيك واكسبك انت كمساهم واعطيك 20% من مساهمتك شهريا ..

    كيف توصل الارباح لهالحد ..

    اذا انت اشتريت بيبسي بالجملة مثال .. الخرشة 75 فلس … بتروح تبيعها عندك في نفس البلاد الغرشة بدرهم ربحك 25 فلس على الغرشة ..

    لكن اذا انا اشتريتها 75 فلس وبعتها في بلد قيمة الغرشة بالجملة درهمين ونص

    يعني ربحك درهم و75 فلس يعني ربحك في الغرشة بنسبة 225%

    وهذا مثال فقط …. اكيد انا مابشتري وابيع بيبسي ..

    شكرا

    شكرا على المرور لكني لم يقنعني ردك ولك من التحيه

  4. السلام عليكم ورحمة الله

    انا شفت اشخاص حاطين فالمنتدى الي يقولك بعطيك 20% والثاني يقول بعطيك 30% وبعطيك ظمانات شو الضمان شيك وعقد اذا سرت تشتكي على الشركة بالشيك بيقولونلك الشركه مفلسه وبنحاسب الي وقع على الشيك انزين الي وقع على الشيك وافد وضرب ضربته معا ربعه وخذ نصيبه وسار بلاده بيقولنلك اتريا لين نقبضه بنرد على موضوع العقد بيقولون لك سير المحكمه ارفع عليه قضيه مدنيه وحط محامي والمحامي بيفع دم قلبك عشان كم عشرة الاف والا مية الف بيطلب منك 30 او 40 الق اخرتها بطب السالفه يا اخواني هالمحافظ واهل المحافظ عشان يشغلونها لازم يكون لهم باع طويل في السوق يعني عندهم رؤس اموال ومب في حاجة للكم بيزه الي بياخذونها منك انا حبيت اشرحلكم شو اخرت الضمانات الي بيعطونكم اياها هذا نصب بس بطريقة حديثه انا نصيحتي اولا لاتمشون على الدعايا الي تسمعونها من الناس ولا تمشون على اسم صاحب الشركة لين تشوفون ادله بعيونكم ولاتستحون في هالسوالف اطلب الي تباه من الريال قبل لاتعطيه البيزات لانك من السهل تدفع لكن من الصعب انك تاخذ الي دفعته نحن في غابه القوي ياكل الظعيف والظعيف ماله مكان يا انك تكون وحش او بياكلونك او احسن تكون متفرج من بيعيد لبعيد لان القانون لا يحمي المغفلين

    القانون لا يحمي المغفلين

    سيدى العزيز ادا القانون ما يحمى المغفلين ؟؟؟؟

    يحمى منو ؟؟؟

    هل يحمى الا….

Comments are closed.