مسا الخير…
بغيت اتخبر حد يعرف دكتور اختصاص عن القولون .. وعن ارتفاع الضغط العالي ؟؟!!
لانه الصراحه مستشفى راشد ما فادنا بشي …
عدنا الوالده تعبت علينا اليوم الصبح … وديناها الحوادث .. من اساعه 2 لين 6 وشي.. وكل مره الدكتور يفكر شو بيسويبها … زام تخطيط قلب … وهذا زيغها اكثر .. وزاد الضغط .. وفي نفس الوقت القولون ضارب ..
وعقب قالها والله اعراضج هذي ادل انه فيج السكر … ؟؟!! على كيفه خمن
انزين وسولها التحليل .. قالها ما فيج .. بس ما نقدر نعطيج ابره تخفض الضغط .. ولا نقدر نعطيج ابره عن القولون لانه احتمال يزيد الضغط
اخر شي عطاها ابرة مهدي وقالها روحي البيت …
4 ساعااااااااات يلووووووووس واخر شي ما عرف شو يسويلها
فكرنا نوديها الامريكي ولا مد كير … بس ما نعرف الدكاتره الي مختصين بها الشي
فاذا حد يعرف اي مستشفى …لا يبخل علينا … حتو لو كان في الامارات الثانيه…
الله يشفيها إن شاء الله
مركز الخليج للتشخيص التخصصي في بوظبي
او
المستشفى الأمريكي في دبي
الله يعافيها وما تشوف شر يارب
الله يشفيها و يعافيها يا رب العالمين
الله يشافيها يارب ويطمنكم عليها
في ابوظبي إلي اعرفه
في مستشفى الخليج التخصصي شاطر اسمه
سالم عوض
الله يشفيها يارب ويطمنكم عليها
اخوي وديها مستشفي حكومي في ابوظبي
وان شاء الله بيشخصون حالتها وبيعالجونها
وادعو لها الدعاء افضل شئ