عابد البوم .. حد سمع عنه ؟

54 thoughts on “عابد البوم .. حد سمع عنه ؟”

1. ياجماعه أنا كنت في مكتبهم اليوم …

   عندهم محفظه إستثماريه تقبل كحد أدنى 100,000 درهم وكحد أقصى مفتوح !!!

   تستلم أرباح من 7000 إلى 8000 درهم شهريا !!!!

   ضمان بشيك مؤجل بالمبلغ بعد سنه من تاريخ العقد !!!

   بصراحه وايد مشكك وخايف أدخل …

   أحس انها نصب

   واحس انها حرام .. لانه ضمان راس المال في أي مشروع يعتبر ربا ..

   أفيدوني أفادكم الله ..

2. انا من مشتركين في محفظه البوم صار لي الحين اكثر عن 6 اشهر وبمبلغ وقدرة 250 الف واستلم ولله الحمد كل شهر نسبة ارباح مختلفه من شهر الي شهر

   وانا شخصيا قابلت خالد البوم ريال والنعم فيه

3. مرحبا …

   الي يسأل عن عابد راعي البوم … الريال والنعم فيه ناجح في شغله ومع اسرته
   ماشاء الله عليه واخته صديقتي ودخلت بيتهم والجماعه جداااا محترمين بارك الله فيهم …
   وعنده مشاريع كثيره وناجحه
   وراح يشغل مصنع المنيوم في جيبوتي بمبلغ وقدره مليار دولار والخبر
   من مجلة رجال الاعمال …
   وهو من الشباب المتميزين الي دخل عالم الاعمال
   من اوسع ابوابه عن طريق مشروع (( شراء شقق وبيعها )) وهاذي كانت بدايته … والله وفقه …
   والريال ذات سمعه طيبه بين التجار …

   وبالتوفيق للجميع

4. انا مجرب اخواني المحفظه ومن سنتين وهو صح اسمه عابد بس اتقاعد
   والدخل مضمون والمحفظه اكثر من سنتين
   والله يوفقكم…

5. السلام عليكم ورحمة الله وبركاته

   عابد البوم اهي شركة عقارية إستثماراتها كبيره في دبي وحاليا عندهم مشاريع في جاكرتا والله يوفقهم

   بخصوص المحفظه :
   تقدر تدخل بحد أدنى 100.000 وتأخذ شيك ضمان بنكي

   الشركة ما شالله عليها اعرف ناس توفقو فيها وما شالله مكملين وياهم من سنتين وانا دشيت وياهم هالسنه واتريه الخير ان شالله .

   ما يحددلك بالعقد نسبة الربح عسب ما يدش في الحلال والحرام ولا يلتزم معاك بمبلغ معين .

   يشترط عليك انه يحولك شهريا نسبة من الربح غير محدده على ان يكون حسابك في بنك دبي الإسلامي فقط .

   وقت ما تبغي المبلغ اللي داخل فيه لازم اتبلغهم قبلها بشهرين .

   وهذا ما اعرفه عن الشركه وعابد البوم يتبع للبوم القابضه مقابل داناتا بجانب المشروعات التجارية على طريق دبي الشارقة .

   وشكرا

   بس المحفظه صار لها سنتين من كلام الأخ المحاسب !!!
   بعدين الشيك الضمان من بنك ربوي … كيف يطلب منك أن يكون حسابك في بنك إسلامي !!

Comments are closed.