عاجل\ اتصالات

10 thoughts on “عاجل\ اتصالات”

1. اشكرك جدا” يامشرف الموقع على المشاركه الطيبه وصدقني اكن لك احترام عميق في صدري ماتتوقعه يمكن لانك احسن مني وفكرت تفتح هالموقع لتفيد غيرك

   المهم بعقب على ردك لي اخوي المشرف شوف انته تعرف شي اسمه لميت اب وليتم داون اكيد صح اوكيه انته اتشوف سهم ((الاتصالات))بيتجاوز حاجز 176 حاليا في ذمتك ترى لاني ابا استفيد منك يمكن تكون احسن عني بس على ماعتقد انه سهم الاتصالات في هالحاله واصل اليمت اب ماله اقصد خل الشباب يستفيدون اشوي للي شراه تحت 167 لانه الحين ربحا” فيه ماتعرف باجر تذبذبات السوق وكيف بيكون بعدين شو معنا بورصه يعني اوراق ماليه تتداول لازم نحرك فلوسنا يعنى ونستفيد ونضيع الفرصه على الهوامير علشان مايكلونا وخلنا نشتريه تحت 169 ومن بعدها نبيعه صدقني بينزل وبتشوف وبذكرك.

   واذا كل واحد يود سهمه في ايديه وقال مابابيع لازم الهوامير يدقون في السواق علشان الي ماباع يبيع والله شو اقولك الموضوع اكبر عن جيه

   من بعدها انته قلت من بدايت االاعلان عن العقد ارتفاع 10% اوكيه يعني انته شو تتريا يرتفع قيمه الزياده على السهم 50% مماعتقد هنيه معناته السهم في وقته الحالي واصل ليمت اب والايام بينا صدقني اخوي مابفرح يوم بينزل لانه في ناس اشتروه 176 وهم من صغار المستثمرين بس اتمني غير والواقع غير واخواني صغار المستثمرين انتم وراحتكم في الوقت الحالي اسهم ليمت اب والي يبا يسويله كم صفقه في شهر واحد يبيع
   اخوي انا مره زرت سوق السعوديه تعرف انته كم مليار تتحرك في السوق السعوديه 8 مليار ريال مايعادل 2 مليار دولارفي اليوم الواحد معناته صح في تداول والاسهم في طلوع ليش لانهم يحيون المضاربه ويجدون فنونها واعرف انه في سوق السعوديه يقدر المستثمر يسوي ثلالث صفقات في اليوم يعني بيع واشتري اما نحنا في سوقنا شرات الشواب الي ايمع فلوسه في البنك واخر شي يتزوج هندي ويخسر عليها
   اخوي المشرف احيي روح المضاربه وبيع يوم السهم طالع واشتريه وهو نازل وخلك من الاستثمار شرات الشواب مايدري متى ينزل اسهم ولا متى يرتفع
   والله عندي كلام وايد اقوله بس نتريا ردك اخوي ولاتزعل من كلامي .

2. السلام عليكم
   حي الله الخبير يا مرحبابك في المنتدي

   كلامك صحيح بخصوص الهوامير يضغطون على السهم بس هذا الخبر هل تعتبره من الاخبار العاديه اللى من الممكن السهم ما يتجاوب معاها
   الصارحه انا مب عارف هل في خبر احسن من هذا الخبر ؟؟؟

   السهم يوم اتأهل للفوز بالعقد ارتفع 10% فما بالك في تصديق على الفوز ؟؟؟
   السهم ما عليه خوف بس في تصرفات اتصير في السوق مب مقنعه

3. السلام عليكم ورحمه الله وبركاته
   من السرور ان اراء اخواتي الاماراتين سواء شباب او شابات يشاركن في منتدى راقي مثل منتداكم بما يعكس مدى اتطور في الدوله وتفتح العقول على مواضيع مهمه ومميزه

   تعقيبا على حديث اخواي الياسي 100% انا لست معاك في ماشار اليه حديثك بان سهم الاتصالات حاليا” سيتجاوز حاجز 176 درهم
   وينزل بكره او بعد بكره حاجز 169 درهم وبتقول اخوك الخبير قال وبتشوف لانه الهوامير قاعدين يظغطون على السهم بعده في مرحله تجميع صدقني او في اليومين الجايات بتشوف سعر السهم يرد ينزل وبتحليلي هناك ترب على السهم صح ماتعرف شو يعني ترب( ترب) يعني تغريك السوق بسهم مش عاجبنهم يشترون 176 ويرتفع لين 200 يبون يشترونه 165 بعدين يفكرون في سعر 200
   انا ترى من عشاق سهم الاتصالات اقولك ليش لانه من اكثر الاسهم تدوير بسوق انا من اسبةع اشتريته 165 وبعته امس 172 واترياه ينزل تحت حاجز 169 يمكن اشتريه ب167 او 168 زين سعره جيه والي مايصدق كلامي يشوف العرض وطلب اليوم غير عن امس ياشباب ترى السوق سوق هوامير مافيه رحمه او شفاعه ومايعرفون الا نفسهم بيع اليوم وااربحلك شوي واشتري هقبل 15 اغسطس بسعر نازل انا مره اشترييته 168 ونفس اليوم نزل 164 معا العلم في نفس اليوم الي اعلنت السعوديه فوز الاتصالات بتركيب الجوال في السعوديه يعني الاخبار ماتهم اهم شي قبل رمضان تشتريه وتخليه لانه هنيه صح السهم بيرتفع ولا بينزل ولو ضغطو عليه الهوامير لانه الاتصالات تعتزم تشغيل الجوال معا موسم الحج والخير الاول والاخير لك وانته حر باجر لاتقول اخوي الخبير ماعلمني شي وبراحتك جان عندك اليوم الاتصالات بيع وحرك فلوسك ولاتم تطالع المؤشر يطلع وينزل ويك الضغط

   بعدين اخواني المشاركين نصيحه اخويه انشالله تنفع الجميع انا اعرف الشراء والبيع تختلف من واحد لواحد لانها تعتبر حاله انفراديه وكل واحد له مزاج ولو كل واحد اتبع طريق البع وشراء صح مابتشوف حد رابح وحد خسرران
   هي زبده النصيحه انسى مزاجك في السوق بيع واشتري على مزاج السوق لانه السوق متقلب لومش متقلب مارتفع سهم الاتصالات في السبوع من 160.50 لين 176.50 اليوم
   والله يوفقنا جميعا”

4. هذا السوق ايحير….. شركة الاتصالات اتفوز بالعقد ويصادق عليه مجلس الوزراء
   والسهم ينزل
   اليوم السهم ارتفع 4 دراهم بس … وبعد نص ساعة بدا ينزل حتى كسر اغلاق امس
   اخر صفقه كانت 171.50 خسران 40 فلس

   شيء غريب

5. السلام عليكم

   مشكور يا ظبياني على هذا الخبر
   صارلي اكثر من عشرين يوم اتريا هذا الخبر… الصراحة ما كنت اتوقع بهذي السرعه
   ان شاء الله باجر انشوف مرثون للاسهم كلها

Comments are closed.