السلام عليكم و رحمة الله و بركاتة
أود اعلامكم اخواني بأن جميع الوكالات في دولة الامارات أعلنت بأن أسعار السيارات في 2009 ستثبت و لن يكون هناك أي انخفاضات في الأسعار. (المصدر: جريدة الاتحاد , الملحق الاقتصادي 28/12/2008 )
أرجوا من الجميع التعليق و المشاركة في الموضوع.
“دمتم سالمين “
أخوكم/ بوحمدان العيناوي
والله اذا تمو عيال الدولة رقود
وما يدرون بالا يستوي من حولهم
ف هم الخسرانين
سيايير امريكا ماشي اخير عنها
وعندك كم عرض جدام عيونك فالمنتدى
عن السيارات من امريكا وطريقة توريدها
واذا ما عندك كاااش بعد تراهم مسويين لك عروض
فانصحك بالامريكي او الالماني دامه يوصلك لين عندك وبسعر خيالي
والتيوتا خلها حق الشركات وغيرهم ينفعونهم
يوم انه معاند. إتركوه
أنتوا في غنى عن مرقة السحناه
البهوان ما يقصر
الوحيد الي معاند الفطيم بس الكل نزلوا اسعارهم وما ادري على شو معاند لا خدمه مثل الناس ولا صيانه مثل الناس وكله نصب في نصب
هالكلام مب صحيح حتى لو كُتب في الجريدة
قبل يومين وصلني مسج من العربية للسيارت
تخفيضات على إنفينيتي تصل إلى 23 ألف درهم
في بن حمودة Cr8 موديل 2009 أرخص من سعر 2008 السابق
المسعود نزلوا سعر الأرمادا 5000 درهم وإذا عندك حد ممكن يوصل الخصم إلى 8000 درهم
ولو تزيد وتستمر مقاطعة السيارات الجديدة ، الأسعار بتنزل أكثر وأكثر
أعتقد إن القصد من الخبر هذا هو ….. مساعدة الوكلاء على تصريف موديلات 2008
يعني تقدر تقول : “خبر مدفوع الأجر”
اخوي التيوتا بالذات يابانيه وسعر الين يالس يرتفع
اتوقع بيخفضون الاسعار في شهر 3 سنه 2009
ال بي ام دبليو خفضت 80 الف على كل سياره في بلادنا عشان امشون الي عندهم
يوم السوق بيوووقف ومابيحصلون الي يشتري بيضطرون انهم ابيعون ولو بخساااره عشان امشون الي عندهم
في امريكا اشتر سياره واحصل على الثانيه ومجانا او اخذ سياره بسعر تكلفتها وبدون اي ربح
وفي الكويت كل السيارات الامريكيه نزلت 50%
لا تشتري اللحين واتريا وبتنزل