بسم الله الرحمن الرحيم
اخواني بغيت تقيمكم لــ نيسان وسط
مواصفاته:
اللون ابيض موديل 1991 عليه مكينه وقير ودفريشن فتك
وكراسيه من داخل كراسي الفتك الموتر نظافته عادية وفيه صبغ
كم يسوى.؟؟
9 thoughts on “عاجل شباب بغيت تقيمكم ل نيسان وسط 1991”
Comments are closed.
السموحه على المداخلة اخوي راشد انا لاحضت عليك في التقييم ان تقيم قطعه قطعه جنها سكراب وتبى تسوي سيارة هههههههههههه ليش ماعرف حتى يوم تسير المعارض والوكالة عسب تبدل سيارتك بسيارة من عندهم او تبيع يقولولك نحن ماقلنالك بدل نحن نتعامل على موديل السيارة والرغيب ممكن يزيد شوي مب الفرق ذاك الذود خمسه عشرة لو زادت على التعديلات مب عدل وطحنها ويبى يبيعها وتكون بزيادة والسموحه من راعي الموظوع ومنك
السموحه على هذه المداخله …
لو كان موديل 1991 وعليه مكينة فتك …. تصل قيمته 50 ألف وفووق
من وجهة نظري برووح اشتري فتك موديل 2002 او 2003 سووبر سفاري … يكون احسن
المكينة جاهزة والموتر جاهز من الوكالة .. وموديله احدث عن 1991 ب 12 سنة
سعر النياسين التي بحالة الوكالة
1990 — 12 ألف – 15 ألف في حالات نادرة يصل 17 ألف
1993 – 17 ألف – 23 ألف .. في حالات نادرة يصل 27 ألف
1995 – 27 ألف – 30ألف … في حالات نادره يصل اكثر ..
1997 – 32 ألف 35 ألف … في حلات نادره يصل الى اكثر
والسموحه هذه الاسعار الاصلية للسيارات تقريباً بغض النظر عن الموسم ..
ما يسوى عليّه اسير آخذ موديل 1991 ب 30 ألف وهو بحالته الطبيعية دون اي تغيير …
وهذا سعر خيالي
بغض النظر عن الحاجه ….
المشكله انه الواحد ساعات يكون مستعجل وراعي السلعه يعرض السعر … والمشتري ما يجادل ويمكن ما اتون عنده خلفية عن الاسعاااار
واسمحلي يا صاحب الموضووع على المداخلة …
يسوى من 45 الى 50 فقط
السلام عليكم ورحمه الله وبركاته
اخوي بخصوص الوسط الى عليه مكينه استيشن 8 وقير 4500
الشباب يفضلون مكينه استيشن 6 تعرف ليش لان مكينه 6 تتزود اكثر من الثمانيه وتتحمل التزويد والتعديل عكس 8 سلندر
وسعر مكينه 6 ب 16 الف درهم
وسعر مكينه 8 اقل من ال 6 وترا الاسعار تتغير حسب السوق وانا صارلي فتره منقطع عنه
ولا تنسي تركيب مكينه استيشن ع النيسان يعني قص فالشاصي وتركيب قواعد يديده للمكينه
والنيسان نزل ب 6 يعني لو ركب عليه مكينه 6 استيشن فيه احتماليه انه يتصرح من المرور بارقام الامارات
اخوي بالمختصر المفيد سعره
من 25 الى 35
وحسب النظافه
واتوقع راعيه بطلب 40
والله اعلم
والسموحه منك