السلام عليكم
اخواني .. البارحه الوالده ظهرت السوق و ضيّعت موبايلها و ردت ادوّره ما حصلته
المشكله فيه صور ..
الموبايل فيه رقم دو و انا اعرف الرقم التسلسلي لان كرتونه عندي
شو اقدر اسوي الحين عشان ارده .؟
انا سمعت ان شرطة دبي تقدر تحدد موقعه بالظبط بالرقم التسلسلي ..
اتمنى حد يفيدني بشكل عاجل ..
بنت ييرانا انسرق فونها وسوت بلاغ لشرطه دبي
عطتهم الرقم التسلسلي مال التلفون وبعد يومين حصلوو الحراميه
اللي يقدرون عليه بيسونه ما بيقصرون شرطه دبي
بس انت ادعي ربك ولا توقف
يا الطيب انا ما ابا احبطك بس للأسف انا ضاع تلفوني وسرت الشرطه
وفتحت بلاغ وعطيتهم كل شي يبونه حتى الرقم التسلسلي مال
التلفون بس قالولي ( بنحاول ) وما بنوعدك بـ شي لانه كل يوم اييونا
بالعشرات وكلهم مضيعين تلفوناتهم فـ يقولي كم بندور..
فعسب جيه احتسبت ربي فيه..
اخوي اول شيء تسويه انك تفتح بلاغ بضياع البطاقة قبل لا تطلع بدل فاقد ليييش ؟
لاني قرأت قصة واحد سعودي ضيع تلفونة والحرامي استخدمه في مجال غير مشروع ويم بغى يرد زخوه على الحدود
انا بقوللك طريقه وراح تحصله ميه ميه اذا كان مستخدم عند شخص اخر، (مش مغلق او طلع برع الدوله)
طبعا الرقم والبطاقه انرمت من اول لحظه
الحين روح الشرطه افتح بلاغ سرقه،طبعا انت عندك فاتوره شراء التليفون، بيطلبون منك رقم تليفونك الى كنت تستعمله على الجهاز.
بيروح البلاغ حق النيابه.
النيابه بتطلب من الشرطه مخاطبه الاتصالات لمعرفه الارقام الي تعمل على الجهاز من تاريخ السرقه، واي رقم يعمل على الجهاز يكون هذا بدايه كشف الحقيقيه
للعم الاتصالات اذا عرفت الرقم التسلسلي حق الجهاز تعرف كل المكلمات الي صدرت منه او وردت اليه
بس لازم يكون امر من النيابه العامه
احتمال السارق ما يشغله داخل الدوله في هذه الطريقه تقدر تروح الوكيل وتقفله وعليك العوض بس بهذة الخطوه ما خليت السارق يتهنى به(انت راح تعرف من رد الاتصالات اذا كان مستخدم داخل الدوله او خارجها)
لازم تعرف ان الموضوع ما دام دخل النيابه يبيله من شهر الى شهر ونص لان الاتصالات عله في كل شئ يخص خدماتها فيكون التاخير من الاتصالات مش النيابه
بالتوفيق
Buy new one