هام ومستعجل
مطلوب خريجات لشغر عدة مناصب في احدى الشركات الكبيره في مدينه ابوظبي
الجنسيه : لبنانيات, سوريات, اردنيات
التخصص : Management – Finance – Marketing – Advertising – Human Resource
حسن المظهر واللباقه ..
الراتب : 10,000 درهم
يرجى ارسال السيره الذاتيه على ايميل :
jawhar.mohd@gmail.com
كلامج على عيني وفوق راسي اختي
واحترم وجهة نظرج
واتفق وياج بأن هناك العديد من التخصصات اللي نحتاج لوافدين لشغلها لصعوبة الحصول على بنت البلاد اللي راح ترضى بهالشغل ولكن …..!!!
هل يا ترى سنعامل بالمثل في بلادهم ؟؟؟
اذا بلادهم ما شغلتهم هل نحن مجبورين نشغلهم ؟؟؟
اليوم كنت اسمع واحد بالبث المباشر ويقول والله انا اشتغلت بالامارات من سنة 1975 وللحين انا بالامارات وعيالي مولودين بالامارات اذا فنشوني من شغلي لأني واصل الستين سنه هل ارد بلادي ؟؟ وعقب طالب بالجنسية وقدر مذيع البرنامج المتألق أن يرد عليه بدبلوماسية رائعة
اختي اخواننا وخواتنا مخلصين ثانوية وكليات وجامعات ويالسين ببيوتهم مب محصلين وظيفه وهناك عشرين الف وظيفه ما تحتاج اييب ناس من برا عشان يشغلونها ولكن ما اعرف ليش نصعب التوظيف على المواطنين ونسهل التوظيف للمقيمين والوافدين خاصه اصحاب العيون الزرق والشعر الاشقر
يرضيج بناتنا يشتغلون كاشير بالجمعية ؟؟؟
بصراحه ما يرضيني
هاييلا بنات البلاد وبنات زايد وما ارضى انهن يشتغلن في اماكن نقدر نشغل فيها مقيم ووافد ولكن للأسف ماباليد حيله
ومن الحاية والتعب اشتغلن حتى ما يمدن ايديهم للي يسوى واللي ما يسوى ولما ترمسينهم يقولون رضينا بالهم والهم مب راضي فينا وعاد تعالي شوفي التحرشات من الزباين اللي ما حشموا هالبنيه والمصاعب وساعات الدوام الطويله والراتب البسيط
ما اقول غير
الله يستر على شبابنا وبناتنا
الموضوع مب موضوع عنصريه .. لكن الموضوع ليش تحديد هاي الجنسيات و بدون ذكر المؤهل المطلوب !!
أحس هالأعلان مال مغايض ؟!!
قالت الأخت نبغي خريجه في هالمجالات .. خريجة شو يعني .؟
دكتوراه ولا ماستر و لا باجلر ولا دبلوم عالي و لا دبلوم ؟
الموضوع غامض .. ومن حط نفسه مكان التهمه لا يلومن الا نفسه ^^
اغلاط املائية لغوية
خلكم من سالفة الجنسيات والمؤهلات .. وبقولكم معلومه يمكن ما لاحظتوها او خفت عليكم وبلاش نتكلم عن ابلادنا وابلادهم …
في وظائف تنفع جنسيات اخرى وما تنفعنا احنا كمواطنات ومواطنين مثلا نقول الاداره في بعض الاماكن يوم تطلب شخص بالاداره تكون متطلبات الوظيفه انه لو ياك شغل في بوظبي وانته في دبي لازم تروح تخلصه ما يهمهم غير الشغل وبعض الاحيان في مجال التسويق الواحد لازم يطلع ويسوق المنتج …..الخ وساعات تكون حفلات تسويقيه للمنتج يسوونها في فنادق 5 نجوم او شو ما كانت ويحضر هاي الحفلات كبار رجال الاعمال ويسمونها حفلات الكوكتيل وها الشي راح ترفضه اول شي بنت البلاد مش لانه مشبوه لا لاني وحده حضرت مره مثل هاي الحفلات وكانت عن العقار لقيت انه الجنسيات العربيه سلسه في تعاملها ونحن كنا ما نتكلم الا ان وجهولنا السؤال بس ان ندز بويهنا مستحيل
…وبخصوص التعيين في HR او نقول شؤون الموظفين بتكون الادارة صعبه ان كانت بس للمواطنين لانه بعض الجنسيات وحتى لو كانت مواطنه تتخوف من انه اللي يسويلها مقابله مواطن فا عشان الشخص ياخذ راحته اكثر وتكون المقابله مش ثقيله على القلب مثل ما يقولون يستحسن انه يكون كذا شخص وجنسيه واسالوا لي يشتغلون في ها المجال بيفيدونكم اكثر ……..
وفي وظائف نقول البداله او الاستعلامات في البنوك والمستشفيات تحتاج كذا جنسيه وبصراحه من جهتي انا في هاي الاقسام افضل الجنسيات العربيه والاسيويه … تتحمل ضغط العمل اكثر والتوقيت وترضى بالراتب وها المهم ببساطه لانه شغله حلوه للي مبتدأ في الشغل وتوه يبغي يكون له خبره …..واللي يقول لو نسير بلادهم بنلاقي اعلان …………………..الخ
نكك يكفيك ( دار زايد ) يعني بلاد الخير والعز ولولا حاجتهم ما تغربوا وعاشوا في بلادنا ومهما كان نحن اخوه ومسلمين ويحتاي نكون ايد وحده …
والا تبا الاسيويين ياكلونا ( خبزنا في مجبتا) ..يا جماعة الخير بلادنا محتاجه تخصصات وجنسيات مختلفه …في شتى المجالات والحمدلله السوق مليان والوظائف على افا من يشيل بس للي يبا ..
واسمحولي
…
..
ليش مكبرييين الموضوععع
شي 10000000 موضوع مطلووووب ” مواطنيييين فققققط ” ما نبا وااااافدييين… مواطنين بسسس …
شو فيها يعني لو قتحوا موضوع وااااحد يطلبوا موظفات وافدات..
خليييييكم كوووووووووووووووووووول …
الله يوفق راعي الموضوع …
و يا ريت بدون عنصرية !!