بسم الله الرحمن الرحيم …

والله اني ما كنت محتار (( كان ما شاورتكم ))

الموضوع بإختصااااار ..

في شخص (( عربي الجنسيه )) أعرفه معرفه سطحيه … تقريبا” كل جلساتي

وياه في (( المقهى )) لم تتعدى 6 مرااااات …

إتصل بي اليوم وقالي أنا محتاج مبلغ وقدره (( 20000 )) درهم ..

وذلك لإجرااااء عملية ( سرطان ) لوالدته ..

ومستعجل على المبلغ واااايد لازم قبل يوم العمليه الخميس ..

ومستعد يعطيني شيك بالمبلغ .. لكي استرد المبلغ بعد شهر ..

………………………………………….. ……………………..

وضعي أنا ..

المبلغ هذا انا ولله الحمد أقدر أدبره ..

لكن بعدها وضعي المادي بيتدهور شوي ..

لأنه عليه التزامات كثيره جدا” .. وديون ..

………………………………………….. …………………..

وبصراحه تااااامه .. أتوقع فقط 10% انه يرجع لي المبلغ ..

لأاني بصراحه مب ضااااااااااامن الرياااااااااااال ..

لأني سمعته يقول ادور اي فرصه قريبه أروح بلادي ومش راااااجع

على دبي مره ثانيه ..

………………………………………….. ……………………………..

وفي نفس الوقت قضايا الشيكاااااااااات في الشرطه (( بدون قيااااس ))

………………………………………….. …………………………………

أنته أو انتي جاء دوركم سمعتوا سالفة الريال وسالفتي ..

حطوا نفسكم مكاني وقولوا لي شووووه اللي بتسووونه ؟؟؟؟؟

ومشكورين مقدما” …

32 thoughts on “((عاجل و ضروري جدا” )) ما عليكم أماره ادخلوا أفيدوني …”

  1. ممكن الريال صح يطلع محتاي ويالس يدور علي اي وسيله مافي غير انك تصلي ركعتين استخاره وان شاء الله ربك يهديك لطريق الصواب

    وذا حابين انه نتحاطط كلنا ماعندي مانع 5000الف بداية بس خبرو كبير المستثمرين عشان يتحقق من مصدقية الريال وانه محتاج مساعده

  2. اخوي من وجهة نظري اذا هي معرفة 6 مرات لا تعطيه الا اذا كان المبلغ ما يهمك بصراحة

    خاصة انك تقول انه 10% بيرد لك المبلغ

    ومب سالفة جواز او غير جواز .. لو الجواز عادي بيطلع بدل فاقد اتوقع وينتهي الموضوع لو الريال فعلاً ناوي يأخذ الفلوس ويروح ..

    انت اعتذر منه وقل له للاسف انا حاولت اساعدك ما قدرت وكل الي اقدر عليه اني اوجهك للجمعيات الخيريه

    وبكذا اظن تطلع من السالفة بكل ذوق

  3. السلام عليكم ورحمة الله وبركاته
    .
    بصراحه الموضوع يحير لانك ماتعرف
    شو في داخل هالشخص
    يعني كاذب او صادق
    .
    احسن شي انك تستخير
    والخيره فيما اختاره الله لك
    .
    وفي حالة انه الله عطاك من
    خيره . . حاول تساعد الشخص
    بأي شي تقدر عليه ولو بدرهم واحد
    واحتسب الاجر من عند الله
    وعند الله ما يضيع حق
    ولاتنسى انه الاعمال الصالحه
    تدخل أصحابها الجنه
    .
    بن سعيد
    .

  5. الرياااال رجع اتصل مره ثانيه وقال :-

    انا مستعد أحط جوازي مع الشيك .. عشان تضمن فلوسك ..

    قلت له عطني فرصه أنا ما اوعدك بشيء ((يعني لاتعتمد عليه )) بس بحاول ..

    وبرد عليك الصبح ..

Comments are closed.