السلام عليكم ورحمة الله وبركاته

أنقل حادثة بسيطة وأترك لكم التعليق

شخص راح يخطب وحده وهالوحدة فيها الشروط المطلوبة

وأصر الخاطب على أن يشوف خطيبته قبل ما يتخذ القرار النهائي واللي هو الشروع في الزواج

أهل البنت رفضو أنه يشوفها إلا يوم العرس

بالمقابل البنت اتداوم في مكان مختلط نوعا ما

يعني شافها هذا وشافها هذاك

أما هذا اللي داق الباب ويبا يتزوجها ما يبونه يشوفها

شو رايكم ؟؟

ياريت الموضوع ما يتخذ منحنى ثاني

وأشوف تعليق مثل : نحن ما عندنا بنات يشتغلن ويا رياييل ومن هالقلبيل..

نبا تعليق على هالعادة اللي ترفض أن يشوف الخاطب خطيبته وهي أساسا ممكن يشوفها في الدوام

29 thoughts on “عادي يشوفونها في الدوام!”

  1. خلوني بتكلم بكل بكل صراحه

    انا صراحه اشوف وايد عادات غلط غلط وللاسف نحنن نمشي عليها

    يعني مافيها شي اذا شافها فالخطوبه بس يعني تكون اليلسه مع اخوانها وامها وابوها مثلها مجرد نظر لا اكثر وما من بينهم كلام مافيها شي ابدا ابدا اعتبرها

    وفي الكثير والكثير من الاشيا لي الناس تمشي عليها وهيه غلط فوقتنا الحالي

    وبالتوفيق ان شاء الله

  2. يمكن اهلها يكونون ناس محافظين جدا
    ويمكن مكان دوام البنت لا يوجد فيه رجال …. !!!!

    شو معنى محافظين جدا ؟
    وهل الرؤية الشرعية خروج عن هالتحفظ ؟

  3. فعلا فيه وايد عوايل عدنا ترفض هالشي مع انه حق شرعي

    الدين و الشرع حلل الشوفه قبل الزواج ليش العادات و التقاليد تحرم هالشي

    من حقه يشوف اذا هي تناسبه ولا لا وهي بعد لازم اتشوفه لأن هذا زواج عشرة عمر

    والرسول مدام أمر بالنظره الشرعيه فأكيد له حكمة (( انظر اليها فأنه احرى ان يؤدم بينكم ))

    يمكن اذا شافها يرتاح لها حتى لو هي عااااادية ويمكن ينفر منها حتى لو كانت جميله

    صعبة نفرض على الريال انه يعيش مع وحده وهو ما شافها الا يوم العرس !!!!!

    أنا عن نفسي اذا اتقدم لي واحد ما أرضى الا أشوفه ويشوفني ويمكن يكون جميل بس ما ارتاح له ويمكن يكون العكس

    الشوووووووووفه وايد مهمة

    كيف بتتقبلين الموضوع اذا شافج وما عيبتيه ؟

  4. ح ـور : رد أكثر من رائع .. ( ما رأيك باللي يقول : هالرؤية تسبب الاحراج للبنت اذا تراجع الخاطب عن الزواح منها؟ )
    عود معطر: شكرا على التعليق وننتظر عودتك
    خورفكاني : يعني ” مؤيد للنظرة الشرعية ” تسلم على مرورك الطيب
    Alain1001: لا هنت .. وأصبت هدف الموضوع ” العرف صاير قبل الدين” وجمعت الرأيين ..

  5. يمكن اهلها يكونون ناس محافظين جدا
    ويمكن مكان دوام البنت لا يوجد فيه رجال …. !!!!

Comments are closed.