السلام عليكم ورحمة الله وبركاته

أنقل حادثة بسيطة وأترك لكم التعليق

شخص راح يخطب وحده وهالوحدة فيها الشروط المطلوبة

وأصر الخاطب على أن يشوف خطيبته قبل ما يتخذ القرار النهائي واللي هو الشروع في الزواج

أهل البنت رفضو أنه يشوفها إلا يوم العرس

بالمقابل البنت اتداوم في مكان مختلط نوعا ما

يعني شافها هذا وشافها هذاك

أما هذا اللي داق الباب ويبا يتزوجها ما يبونه يشوفها

شو رايكم ؟؟

ياريت الموضوع ما يتخذ منحنى ثاني

وأشوف تعليق مثل : نحن ما عندنا بنات يشتغلن ويا رياييل ومن هالقلبيل..

نبا تعليق على هالعادة اللي ترفض أن يشوف الخاطب خطيبته وهي أساسا ممكن يشوفها في الدوام

29 thoughts on “عادي يشوفونها في الدوام!”

  1. السلام عليكم ورحمة الله وبركاته

    أنقل حادثة بسيطة وأترك لكم التعليق

    شخص راح يخطب وحده وهالوحدة فيها الشروط المطلوبة

    وأصر الخاطب على أن يشوف خطيبته قبل ما يتخذ القرار النهائي واللي هو الشروع في الزواج

    أهل البنت رفضو أنه يشوفها إلا يوم العرس

    بالمقابل البنت اتداوم في مكان مختلط نوعا ما

    يعني شافها هذا وشافها هذاك

    أما هذا اللي داق الباب ويبا يتزوجها ما يبونه يشوفها

    شو رايكم ؟؟

    ياريت الموضوع ما يتخذ منحنى ثاني

    وأشوف تعليق مثل : نحن ما عندنا بنات يشتغلن ويا رياييل ومن هالقلبيل..

    نبا تعليق على هالعادة اللي ترفض أن يشوف الخاطب خطيبته وهي أساسا ممكن يشوفها في الدوام

    وعليكم السلام ورحمة الله وبركاته

    أول شئ فعــــــــــــــلاً

    ثــــــــــــانياً يطرش مطراش من أهله يشوفون له هالبنت

    ثــــــــــــالثاً أعانا الله أهل هالبــــــــــــــلد على سلبيــــــــــــــات هالإنفتاح وعمل الحريم بوسط مختلط

  2. ييتي عالع ــوق الغاليه
    تدرين هو من قبل لا يرفضها احس السالفة فيها احراج

    عشان جي الود ودي يوم بيصيرلي الموقف اشوفه من حيث لا يعلم لووول

    أما عن سؤالج فـ فيها أكثر من الإحراج وممكن البنت تتحطم نفسياً !
    لكن العلاج واحد وهو الثقة بـ الله ..
    فالخيره فيما يختاره
    وأمر المؤمن كله خ ــير

    فـ الحمدلله =)

    تلاقين البنت يومين ما بتاكل واتم طول اليوم تطاع عمرها في المنظرة

  3. ردج كان ميه ميه

    صدقيني حتى في النظرة الشرعية من الربكة
    بتقول ما شفت شي وبيقول ما شفت شي
    يعني هي نظرة خطافية ولو سألتيهم اليوم اللي بعده كيف شكله أو شكلها بيقولون ما نتذكر

  4. وايـــد نسمــع فيهـــا في مجتمعنـــا ..

    انزين يومـ إن البنت شافها مليون واحــد في الدوامـ .. أحينه عاد يوم يا ولد الحلال قالوا والله مابتشوفها إلا ليلهـ العـــرس ..

    لو أنا مكـــان هالعريــــس كنت بسيـــر دوامهـــا وبشوفهـــا

    هـــذا أحسن حـــل .. ولا شو رايكمــ

  5. كيف نقدر نغير هالعادات؟ اذا ابو البنت شيبة وقلت له عن النظرة الشرعية شو تتوقع بتكون ردة فعله؟
    وكيف بتقدر تقنعه؟

    يشوفها من ورا اهلها يسير لها الدوام والا الأهل صعب يقتنعون !!!

    اذكر مره واحد من الأهل طلب من اهل البنت انه يشوفها بغوا ياكلونه بس هو شافها بطريقته الخاصة من ورا أهلها والحين عرسوا وعندهم عيال والأهل لين اليوم ما يدرون

    __________________

Comments are closed.