السلام عليكم ورحمة الله وبركاته

أنقل حادثة بسيطة وأترك لكم التعليق

شخص راح يخطب وحده وهالوحدة فيها الشروط المطلوبة

وأصر الخاطب على أن يشوف خطيبته قبل ما يتخذ القرار النهائي واللي هو الشروع في الزواج

أهل البنت رفضو أنه يشوفها إلا يوم العرس

بالمقابل البنت اتداوم في مكان مختلط نوعا ما

يعني شافها هذا وشافها هذاك

أما هذا اللي داق الباب ويبا يتزوجها ما يبونه يشوفها

شو رايكم ؟؟

ياريت الموضوع ما يتخذ منحنى ثاني

وأشوف تعليق مثل : نحن ما عندنا بنات يشتغلن ويا رياييل ومن هالقلبيل..

نبا تعليق على هالعادة اللي ترفض أن يشوف الخاطب خطيبته وهي أساسا ممكن يشوفها في الدوام

29 thoughts on “عادي يشوفونها في الدوام!”

  1. انا الصراحه اشوف كل الي يشتغلون مب حلوات .. منهم بعد الخسفات مهما حطت من مكياج.. عادة المنقبات هم الحلوات من ملاحظاتي و الله يعين الجميع

  2. الله يعينه على اهل البنية

    لو اهل البنية مارضوا انه يشوفها

    غيرها ستين وحده تتريا القطار

  3. يسير لدوامها ويشوفها خخخ

    دامها تشتغل فمكان عام

    ليش اونها عايله محافظه ومتشدده لهالدرجه

    اونهم عاد بيسوون فيها العين ترغب فالمغطاي ههههههههههههههههه

  4. الدين ييسر امور كثيره ونحن بشر ومسلمون ونصلي 5 فرووض ونعسر على انفسنا

    قد يكون هذا الامر تناقض

    او قد تكون رؤيا لولي الامر نجهلها نحن

    عموما لا يمكن الحكم على هذا الامر من سردج فقط في حين نجهل اصحاب الموضوع الاصليين وما هي طباعهم ونفسياتهم وطرقت تفكيرهم

    ولكن الي اعرفه ان تكون النظره الشرعيه حين يكون الامر رسمي ويوون هله البيت

    ان بغا الشرع هذا هو الشرع وهذه هي الاصول

    اما انه يعاين البنت قبل ما يتقدملها او حتى يكلم هلها فهذا الامر لا اقتنع به ابدااااااااااا تقولون يعاين سياره ولا بيت قبل شروته و اسمحولي على هذا التعبير بس هذا هو الي حاصل هذه الايام يشوف البنت و حد يرتبله موعد ويي يشوفها من بعيد في الدوام و لا في مكان ثاني و المصيبه ان البنت ولا عندها خبر شو تسمون هذا الامر حتى لو كان قصده شريف وناوي يتقدم لها

    الي يبا البنت ايها بيتها ويشوفها فبيتها وان ما رضو الاهل ب رايي ما فيها اي مصيبه لان وقت ما ايي النصيب محد يقدر يرده و تتيسر الامور بشكل غير طبيعي

    الموقف اللي نتكلم عنه كان سبب الرفض أن هاي عاداتهم وأن بناتهم يتزوجون بـ هالطريقة
    نحن مب بعيدين عنها لأن قبل سنوات كان هالموضوع تقريبا عند الأغلبية بس صار وعي أكبر
    خصوصا ان في بعض الحالات يكون فيها طلاق لأن الريال أو البنت ما شافو بعض قبل الملجة
    وهي مسألة نفسية .. وفي النهاية نصيب صحيح بس شو اللي يمنع من النظرة الشرعية ..

    أما انه يشوفها في مكان قبل الخطبة بدون ما تدري بنية الزواج ما أشوف فيها شي
    بالعكس أحسن من انه يحرج نفسه ويتقدم لها وبعدين يتراجع عنها بعد ما كلم أهلها وشافها

    مشكور على تعليقك القيم .. ومشاركتك برايك

Comments are closed.