السلام عليكم ورحوة الله وبركاته,
ردو السلام اول. 
قمت الاحظ في الفتره الاخيره لما اسير المول ان بعض الحريم ايمعن عباياتهن من تحت ويرفعنها فوق كأن الارضيه متبلله بالماي او انهن داشات سوق سمج يتنقن السمج.
المشكله ان ما تحت العبايه يبين وثاني شي تحدد ملامح الجسد.
ما ادري هل هذي تسمى موضه او ان العبايه كبيره ويسون هالحركه او خلصت الموضات وما ظهرن الا بهاي؟؟
لا حد يقول بلاك تناظر الحريم. انا امشي بحال سبيلي وشفت كذا وحده جدامي تسوي هالحركه ظنيت ان الارضيه وصخه او انها انصابت ولكن لاحظت في مجموعه يسون نفس الحركه.
يبقى التعليق لكم.
يعني وحدة حادرة صوب ماي وطين وغليلة ..يعني كيف تتصرف وهي لابسة عباه..
تغاوص بعباتها بالطين..وتغدي حلطة ..
بالتفسير العلمي والمنطقي اللي سعادة راعي الفزعة شط بعمره..وحللها شرات ما حللها نيوتن..
شي طبيعي بتشل العباه عسب ما أتخيس..
حتى أنتو يوم بتخطفون على غليلة ومكان حلط..شو يتكون ردة فعلكم…؟؟؟؟؟؟
بتدخلون الغليلة…ما أحيدكم كروزر ولا أستيشن ولا فتك زمانكم….!!!!!
خلونا ساكتين عن آخر المنكرات بالكنادير اللي طاغية على الأسواق واللي الواحد يخيل أن يرمس فيها..
عيل كندورة خامتها خفيفة وشفافة…شو هالمنكر..
لا وبعد بدت تضيق الكنادير..وتحدد الجسم..
رياييل آخر زمن…
عافاني الله
ايقولك كاشفه ايدها عشان اتحسس السمج وما تروح عباتها هسس.
هاي مب موضه يديده هاي مصخرة يديدة
الله يهديهم جميعا
شو بلاكم عل البنات
هاي الموضه اليديده
إحم إحم … شباااااااااااااااب ماله داعي تشدون حيلكم شوي شوي اوكيه؟!
أولا:: راعي فزعه أشكرك على الشرح المفصل أيها الأستاذ الفاضل والآن حان دوري لأشرح لكم أيها الشباب سر هذه العباية
(( الله يسلمكم ويعافيكم.. هالعبا يسمونها عبا بحرينية سواها الخياط المسكين >>الله يعينه<< ع أساس الستر لا أكثر ولا أقل طبعا حضرة البنات راحوا ولبسوا تحتها بنطلون سكني والنعال السحيتي أو الكعب للــSHOW طبعا الله يخليهم هالبنات مايقدرون يشوفون بعض ومايقلدون the others STYLE ،،،، فطبعا البعض منهن رفعوا العبا عسب الناس تشوف نعالها اليديد أو تشوف البنطلون اللي توها شارتنه….
كانت عندي هالعبا ..هي صح إنها طويله ومحتايه إنه نرفعها بس يعني عن نفسي انا كنت أرفعها شويه عسب ما أدربح ع ويهي لووووووووول
انتهت الآن حصة الشرح فلننتقل إلى الموضوع العام بالنسبة إلى شعبنا المعاصر،،،
البنات حبوا هالموديل وسووا منه يااااااااااااااااااااااااااااااااااااااااااااااا الله سووا فيه العجب ماخلو شي وماحطو فيه..
السير اللي عالبطن اللي جنها ****** رايحه العرس (ما أقصد الإهانه جماعة الخير)
ولا هالتور اللي تحطها ع راسها كأنها مادري شو!!!
انا ما أقصد البنات كلياتهن.. في ناس زينه ماشالله عليهن والواحد بعد مايعرف شو ظروف هالبنت يوم تكون رافعة عباتها (مانظن ظن السوء صح؟؟)
تررررررررررررررررررررررررررررررررررن انتهت حصة الشرح