السلام عليكم ورحوة الله وبركاته,
ردو السلام اول. 
قمت الاحظ في الفتره الاخيره لما اسير المول ان بعض الحريم ايمعن عباياتهن من تحت ويرفعنها فوق كأن الارضيه متبلله بالماي او انهن داشات سوق سمج يتنقن السمج.
المشكله ان ما تحت العبايه يبين وثاني شي تحدد ملامح الجسد.
ما ادري هل هذي تسمى موضه او ان العبايه كبيره ويسون هالحركه او خلصت الموضات وما ظهرن الا بهاي؟؟
لا حد يقول بلاك تناظر الحريم. انا امشي بحال سبيلي وشفت كذا وحده جدامي تسوي هالحركه ظنيت ان الارضيه وصخه او انها انصابت ولكن لاحظت في مجموعه يسون نفس الحركه.
يبقى التعليق لكم.
ظبيانيه شو سالفتج بالضبط ؟؟
ماشالله على راعي الفزعه
اسميه اني ماقول عنك شي
يغير صح منطوقك
عود معطرر
مب حلوه تحطين صور البنات ع المنتدى.. تبين تفضحينهم يعني؟؟
من ستر على مسلم فالدنيا ستر الله عيه فالآخره
استروا على أخوانكم المسلمين.. لاحظوا في أشيا غلط قاعدة تصير الحينه ,, عسب جيه الغرب يضحك علينا
كيف أفضحهن اذا هن اصلاً فاضحات عمارهن في كل مكان
__________________
ظبيانية
اول شي الريال طرا المول, ما ادري ليش دخلتي الغابات الاستوائية في الموضوع وطين وحلط وغليلة
عمري ما شفت مول فيه هالسوالف
ثاني شي انا اتفق معاج تماما انه محد معصوم من الغلط وانا اقولج انه في بنات من الامارات والله الواحد يفخر انهم يكونون من نفس بلده وفي (اشباه) رياييل الواحد يستحي يوم يقولون انهم من الامارات
لكن فكري بعقلج موب بقلبج
انتي عايبنج الوضع الحالي؟
الحين البنت الي تلبس بنطلون وقميص حمالات تحت عباة مسكرة محد يروم يقول عنها شي
حتى لو كانت الشيلة ملونة والقمبوعة للسما والعباة كلها زركشة من كل صوب ولابسة كعب بدون دلاغ ويوم تمشي يبين كعبها من تحت العباة
لكن دام ان العباة مسكرة يعني البنت محترمة جداً ولو تدورين تخطبين لاحد من اهلج على طول بتفكرين فيها
تخيلي من عشر سنين لو نفس هاللبس واحدة تلبسه, شو بيقولون عليها الناس؟ شو بيقولون عن اهلها الي مخلينها تطلع بهالشكل؟ هل تفكرين 1 بالمية تخطبينها لاحد من اهلكم؟ خلج منها , هل تفكرين تخطبين واحدة من خواتها لحد من اهلج؟
ما بقول تخيلي نفس اللبس من عشرين سنة لان اهلها بيذبحونها قبل ما تطلع من باب البيت
الخلاصة انه مع مرور الزمن اشياء ما كنا نتخيل انها تستوي قمنا نشوفها اشياء عادية وبالعكس البنت الي ما تسويها تعتبر فاشلة وما عندها ذوق
وطبعا نقدر نقول نفس الشي عن الشباب
اول الواحد يشوفها عيب ينشاف لابس قميص وبنطلون إلا في الملعب ولا على البحر ولو مالج يموت ولا يشوفه حد من اهل الحرمة لابس هاللبس
الحين بالعكس استوى الواحد يكشخ في المولات بالقميص والبنطلون ولو مالج عادي يروح لبيت نسايبه وييلس ويا عمه وهو بقميص وبنطلون
الحين شوفي الفرق بين الريال والحرمة
الريال اليوم يكون من اخس الناس وكل الناس تعرف سوالفه و باكر يتوب و ورا باكر تسألين عنه كل الناس يقولون لج الريال والنعم فيه بس الريال كان اول راعي سوالف بطالية , خلنا نقول هالريال خطب من عندكم شو بتقولون له؟
99 بالمية ما عندكم مشكلة ويا الريال وبتوافقون ولو رفضتم بيكون السبب شي ثاني
لو نفس السالفة عن بنت, ترضين حد من اهلج يخطبها؟
لو قلتي هيه اسمحيلي اقولج دوري في بيتكم واسألي اخوانج واهلج نفس السؤال وبخليهم هم يردون عليج
بالنسبة لموضوع العبايات بس حبيت انبه لشي من باب التذكير بالشيء
معظم البنات والشباب هالايام شكلهم فاهمين الحديث ما دون الكعبين في النار غلط
فاهمينه على انه موجه للحريم
البنات يقصرون والشباب يطولون
هذا الفهم خاطئ لأن العكس هو الصحيح
المفروض الرياييل يقصرون والحريم يطولون
لكن ما اقول إلا لا حول ولا قوة إلا بالله والله المستعان
عود معطرر
مب حلوه تحطين صور البنات ع المنتدى.. تبين تفضحينهم يعني؟؟
من ستر على مسلم فالدنيا ستر الله عيه فالآخره
استروا على أخوانكم المسلمين.. لاحظوا في أشيا غلط قاعدة تصير الحينه ,, عسب جيه الغرب يضحك علينا