صباح الخير.. 
بخبركم سالفتي ويا سالك و الي يشتغل هناك و حاب يساعدني يخبرني..
انا خذت سيارة في شهر 6-2009 و حطيتلها سالك و رصيد 100 درهم و أول ما يوصلني أنه رصيدي وصل أقل عن ال 30 درهم على طول أحط رصيد ثاني و الأمور طيبة.. 
المهم, قبل اسبوعين يلست أفكر و أقول من زمان ما وصلني مسج سالك أنه رصيدي أقل عن 30 درهم.. مع إني مطيح في دبي آخر كمن شهر عسب تجهيزات عرسي..
قلت خلني أتصل بهم و أتـأكد أنه الأمور طيبة.. و اتصلت.. و تفاجأت بأن سيارتي محذوفة من رقم حسابي الخاص في سالك من شهر 11-2009 بدون أي سابق إنذار و بدون أي طلب مني..كيييف؟ مادري! 
المهم الحرمة الي تشتغل هناك ما قصرت يزاها الله خير و ردتلي السيارة مرة ثانية في رقم حسابي و قالتي لا تخاف ما عليك أي مخالفة بالعكس عندك رصيد تام من زمان يقدر ب 92 درهم.. أنا ارتحت و تشققت 
أمس وصلني مسجين -ورا بعض- من سالك, واحد يقولي رصيدك وصل 24 درهم و المسج الثاتي يقولي إني عديت بوابة سالك بدون رصيد كافي… أنا هنه استغربت 
اتصلت في سالك قالولي ال 92 درهم القبلية سارت حق المستحقات السابقة الي هي من شهر 11-2009 لين الحين.. و حاول إنك تحط رصيد خلال 48 ساعة عسب لا تنحسب عليك مخالفات.. و سرت و حطيت رصيد يديد بس قلبي ما طاوعني و قلت خلني أجيك على موقع سالك بشوف إذا في مخالفات و لا لأ (طبعا أجيك عليه دوم ما علي و لا مخالفة).. 
و توني قبل شوي جيكت, و إذا بي أحصل 21 مخالفة كل مخالفة ب 50 درهم مجموعهم 1050 درهم محسوبات من شهر 11-2009 إلى اليوم الي قبل لا اتصل عليهم.. 
و قلت يا ريتني ما اتصلت و خبرتهم بللي مستوي (و أسير و أطوف على راحتي, لا من شاف و لا من دري) جان أموري بخير و لا سجلوا علي مخالفات و لا هم يحزنون…
المهم أتصلت في سالك مرة ثانية.. قالولي كلامك صح 100% المشكلة كانت من عندهم ,, سألتهم شو الحل؟ قالي قدم طلب إعتراض على المخالفات عن طريق النت و أنتظر 15 يوم عمل يعني 3 أسابيع…! لاااه و المشكلة يوم تقدم طلب اعتراض لازم تفتح المخالفات وحدة وحدة و ما تروم تقدم عليهن مرة وحدة….
المهم قدمت طلب اعتراض و عطوني الريفرنس, و المشكلة ملكية سيارتي (أرقام أبوظبي) بتنتهي الحين في شهر 6 و لازم أسير أجدد على طول خصة عقب سالفة حجز السيارات بعد انتهاء الملكيات ب 10 أيام… فإما سالك يتكرمون و يلغون المخالفات بأسرع وقت ممكن أو ادفع ال 1050 و أنتظر سالك يردونها بعد ما حضراتهم يراجعون مخالفاتي الي مالي ذنب فيهن أبدا……. 
تووووتة تووتة و خلصت الحتوووتة.. و الي يشتغل هناك و يبا يساعدني حياه الله…
المشكلة إن قانون سالك ونظامهم مب واضح للناس .. وفعلا مثل ما قال البعض قانونهم عبيط .. وصاروا يحطون علينا مخالفات يمين ويساااار للأسف ..
والله لو أبا ارد ..
اخــاف..بعض الاعضاء يتهمونـــا ..
بـ التمرد ولا انّه معارضين الحكومـه ..
من نرد ونكتب .. خلونا .. قوم القمصان الحمر مال تايلند ..
للاسـف.. قمت أبتعد عن الرود على مواضيع المخالفات ولا اي شي يمس الحكومـه ..
أخـاف.. حد من الاعضاء ينقز .. ويقولكـ نظام سالك مافيه خلل.. كامل والكمال لله ..
ولا يوقولكـ .. الخلل من جامت سيارتكـ .. انكـ ماتغسلها ولا من تيلفونكـ كمل سنين مابدلته وما يستقبل مسجات الكترونيه من سالكـ .. الخ ..
ما أقول.. غير الله يعيينكـ .
السلام عليكم ورحمة الله وبركاته
نظام سالك عبيط شويه وفيه ثغرات
وظني اذا دفعت المخالفات مابتشوفهن .. لو تقدر تسيرلهم اشوف انه احسن
والله يعينك ع سالك
الحين بيتهموني سويت دعاية ضد دبي خخخخخخخخخخخخخخخخخ