السلام عليكم ورحمة الله وبركاته
اسعد الله صباحكم / مساكم يميع
اخواني انا حابب اتكلم عن نقطتين لاحظتهم هني فالمنتدى ومنتديات اخرى وقامت “تستفحل” بمعنى تزيد يوم عن يوم ..
النقطة الاولى :
(1) بيع ما لا يباع .. أو .. بيع ما هو موجود ومتاح بدون مقابل
مثال : بيع الارقام الممكن استخراجها من قبل ادارة المرور والتراخيص (بالعامي) الارقام المنقعة والي اي واحد باستطاعته يظهرها
وإلى اخرهِِ من المواضيع الي تتحفك صراحة وتخليك تضحك وتنرفز بنفس الوقت … وياريت توقف على كذا بس …يزيدك صاحب الموضوع بيت من ابيات شعره الركيكة ويقولك خليها بين قوسين ((يقوووووووولك)) ياخي مايخصك انت ولا تخرب علي البيعة ؟؟؟؟!!! عجب عجااااب ياخي اذا انا ابى امثالك ينقرضون ويودرون عنهم اساليب وطرق بيع الاشياء الي من منظور ثاني تسيء للناس ,,, اييك واحد من برى البلاد ويشوف يقول طاع هاييل صدق ماعندهم سالفه والفلوس عندهم مب عارفين وين يودونها يعني حد بالله عليك بيشتري رقم يقدر يظهره ببلاش على نفس الكاونتر الي بيصير فيه البيع والشرا بينكم ؟؟؟؟؟؟؟
النقطة الثانية :
(2) المبالغة الشديدة الشديدة الشديدة ….. وهني اكتفي واقول رزق الـ((( الحلوين )) عالــ ((( الحلوين ))
ياحلوين <<<< هني حلوين بمعنى حلوين طيبين بنحبكم
والي اباه :
الي يشوف هالسوالف مايسكت ويقول والله كلن حر وكلن على كيفه … كذي مايبنا يديد
يسير يحط رايه باسلوب راقي ومتحضر وما يجرح و يبلغ الادارة سواء هني فالمنتدى او برى فمنتديات ثانية ويشوف ردهم وانشالله نقظي عالي صدق يستهبلون ويتحرون العالم كله سهل ينقص عليهم ومحد يروم يرمس
تحياتي
والسموحة عالاطالة
انا معاك يا Translator 100%
كلامك صحيح
وع فكرة انا اتوقع الارقام المنقعه المعروضه ما حد يشتريهن
الزبده انا اطالب بمنع بيع ملا يملك
اذا ماعندك ملكيه للرقم لايجوز لك البيع
بسم الله الرحمن الرحيم
بصراحه كلامك حلو ودقيق
ولاحياة لمن تنادي
لان انا لاحظت ان معظم اللي يحطون اعلانات عن سيارتهم يبون يشوفون بس كم بتيب
يعني مجرد تسعيره وخلاص
انا عن نفسي سويت اعلان عن طلب سيارة كنت ابا اخذ كامري حق البيت .. لكن العجيب ان الاسعار هني خياليه جدا جدا جدا
ابرا كدبرا هالي ينقص العنوان ،، حبوب بالمصري بزنس از بزنس ،، وللعلم ما انباع شي الا لقلت وجوده او لاهميته مثلا بعض الارقام غير متوفره في ادارة المرور او بالصريح ممنوعه على ناس وناس مثال الاحمر الجديم ،،وكلامك هذا اولابه للمزادات وللناس اللي تدفع الملايين وكله عشان الناس تقول هذا فلان وهذا فلان مادري مش مصدقين ان عندهم الجنسيه او هو نقص داخلي المهم ،، وبالنسبه لادارة المنتدى عارفه انه هذا سوق بيع وشراء ومادام في الاشياء الغير مخالفه للشرع والدين تراه جايز ،، حبوب اذا حبيت تعلق على مواضيع البيع انا معاك في بعض الاشياء المفروض المنتدى يمنعها مثلا اجهزة كشف الرادار والتزويد
لاتزعل مني خذني حسبت اخوك ،، وخل الناس تنفع وتستنفع مادامه في الحلال وفي الشي اللي مايضر 