عدد سكان الإمارات بلغ 6,4 مليون نسمة في نهاية 2007 ونسبة المواطنين بينهم 14%
أظهرت دراسة ناقشها المجلس الوطني الاتحادي (البرلمان) ونقلت مضمونها الصحف المحلية الأربعاء أن عدد سكان الإمارات بلغ في نهاية 2007 حوالي 6,4 مليون نسمة بينهم 900 الف مواطن إماراتي، أي بنسبة 14% تقريبا.
وتظهر هذه الدراسة تعاظم أعداد الوافدين مقارنة بالمواطنين، الأمر الذي أثار بحسب الصحف مخاوف لدى بعض أعضاء المجلس الوطني الاتحادي الذي يعكف على دراسة سبل التعامل مع ظاهرة “خلل التركيبة السكانية”.
وكانت أرقام شبه رسمية أظهرت أن عدد سكان الإمارات بلغ 5,6 ملايين نسمة في نهاية 2006 وان نسبة الوافدين تجاوزت ثمانية من عشرة وبحسب الدراسة الجديدة، يشكل الآسيويون 87% من القوة العاملة، فيما يبلغ عدد الإماراتيين العاملين في القطاعين العام والخاص 250 الفا.
وأشارت الدراسة إلى أن الوافدين الآسيويين يشكلون 90% من اليد العاملة في القطاع الخاص وان 72,4% من العمال الوافدين يتمتعون بمؤهلات علمية ومهنية متدنية.
إلا أن التعداد الرسمي الأخير الذي نشرته السلطات يقول أن عدد سكان الإمارات بلغ 4,1 مليون نسمة في نهاية 2005، بينهم 825 الف مواطن (21,9%).
وتظهر هذه الدراسة تعاظم أعداد الوافدين مقارنة بالمواطنين، الأمر الذي أثار بحسب الصحف مخاوف لدى بعض أعضاء المجلس الوطني الاتحادي الذي يعكف على دراسة سبل التعامل مع ظاهرة “خلل التركيبة السكانية”.
وكانت أرقام شبه رسمية أظهرت أن عدد سكان الإمارات بلغ 5,6 ملايين نسمة في نهاية 2006 وان نسبة الوافدين تجاوزت ثمانية من عشرة وبحسب الدراسة الجديدة، يشكل الآسيويون 87% من القوة العاملة، فيما يبلغ عدد الإماراتيين العاملين في القطاعين العام والخاص 250 الفا.
وأشارت الدراسة إلى أن الوافدين الآسيويين يشكلون 90% من اليد العاملة في القطاع الخاص وان 72,4% من العمال الوافدين يتمتعون بمؤهلات علمية ومهنية متدنية.
إلا أن التعداد الرسمي الأخير الذي نشرته السلطات يقول أن عدد سكان الإمارات بلغ 4,1 مليون نسمة في نهاية 2005، بينهم 825 الف مواطن (21,9%).
المصدر
مره ثانية أقولك شي ما تعلم به لا ترمس فيه.
السلام عليكم ورحمة الله وبركاته
انا صح للحين مابديت ادور وظيفه
بس اللي حوالي كلللللللللللللللللللللللهم
واكثر من نصهم عندهم ثنويه عامه
واقل واحد راتبه 17000 واتوظفو اول ماخلصوا الثنويه لا بواسطه ولا شي
واذا على قولتج عندج شهاده جامعية وكنتي شغاله ب 7000 وللحين مب لاقيه وظيفه
اسهل شي ادخلي التقنيه واول شركه بتييكم سجلي وياهم وبتستلمين 10000 وانتي طالبه
وتسلموون
……………………………….
انا مع زيادة الاجانب ( لاتزعلون )
يكفي يوم انك تدخل مبنى حكومي تحس نفسك عملة نادرة بين وابل من الاجانب و لجاليات الاخرى
ولاتنسون انه الاجانب لهم دور كبير في اقتصاد دووولة من سيولة و استثمارات و شركات لي تتيح فرص العمل
وشسمه ( “؛
لو يعدلون الشوارع عسب تخف الزحمه و مايكون هناك تفضيل على حساب المواطن في فرص العمل
جان الامور بخير
…
وفي ظني [ خلل التركيبة السكانية ] مشكلة مالها حل
لان في ددبي روحها يمكن شي فوق 100 الف شركه
و 100 الف شركة محتاجين مهندسين و عمال
يعني لو كل مواطنين دولة يشتغلون في شركات دبي
جان مابقى حد فالشرطة و لجيش
ولحمدلله رب العالمين الخلل في التركيبة ما أثرت علينا
مازلنا محافظين على عاداتنا و تقاليدنا من كندورة و غترة و عقال
عكس دول المجاوه لابسين جنزات و سبايكي
امم
يحفظكم الله
اولا يا اخواني
كلنا نتكلم عن الظاهره
لكن حد بحث عن السبب لكي يبطل العجب !!!
من وجهة نضري ولوضع جدول عملي لتقليص نسب الوافدين
لابد ان تحاسب الجهات المسئوله عن الفيز والاقامات
ويشرعون قوانين لتقليص العماله
تمر محطة بترول تلك بين 6الى 8 عمال يصبون بترول والمواطن يهف عليه المكيف
يأخي تطور الدوله ما تقدرون تخلون خدمة تزويد السيارات بالبترول خدمه شخصيه
وكل واحد ينزل يزود سيارته ,,على الاقل بتقل نسبة السمنه في الدوله اللي تجاوزت 70%
يا ترى كم محطة بترول في الدوله !!
تنزل الجمعيه او السوبر ماركت تلقالك عشر اشخاص فقط مهمتهم يوصلون الاغراض للسياره
معقوله ما نقدر نكمل دفع العربه ووضع الاغراض في صندوق السياره
يا ترى كم جمعيه بالدوله !!
وكم وكم وكم
اعتقد الحل بالغاء بعض الوظائف نهائي
وتقليص عدد الخدم بالبيوت
يعني حسب عدد الاسره يحدد عدد الخدم
وحلول واخرى لو كانوا جادين في وضعها موضع التنفيذ
السلام عليكم ورحمة الله وبركاته
موضوع رائع ويــاما تكلمنــا فيه .. لكن لاحياة لمن تنـــادي ..
موضوع التركيبه السكــانيه موضوع متشعب وااايــد ..
لكن ماتستغربون .. من عدد المواطنين .. انا من استويت وهونفس الرقـــم .. عنبوا .. مانزيد مووول .. حتى المليون ماوصلنــأ ..
واللي يقول غلا وماعرف شو .. حبيـــت اقولــه كم كلمــه ويسمعني عدل ..
لادخل عيالك مدارس خاصــه .. استغنا عن موترك اليديد وخذ سياره ع قد حالــك ..
مب لازم اتسافر .. وخل بيزاتك عندكـ ..
والكثير الكثير من امور الترف (( والخقــه )) للأســـف ..
انا مرات اخطف فـ الفرجان .. اشوف بيوت ماتسوى 500 ألف .. وتحصل موقف عند الباب موتر بجيمت بيته .. ويامكثرهم ..
وتحصلهم فـ باريس غالري .وياخذون احسن السوع والعطور والهدايـــا .. وعقب يصيحون ماعدنــا بيزات وكل شي غالي ..
كل يوم ايلس فـ الكوفي ويدفع المبلغ الفلاني .. ويصيح من الغلا .. اول الشهر يسير الجمعيه ويشتري أكل حق فريج ..
وأخر شي يصيح من الغلا ..
مشكلت الاغلبيه ماعندهم ثقافــه فـ الاستهلاك .. الحين ابغي كل واحد ينزل الشارع .. ويشوف المواتر .. (( مواتر المواطنين )) ..
بذمتك .. شو بيدور فـ راسكم .. انه اهل البلاد .. عندهم خير .. والكل مترفــه .. والصراحه قلت المواتر التعبانه والقديمه فـ الشوارع ..
نرجع للتركيبه ..
فـ امور خارجــه عن الاراده .. وفي أمور نحن تسسببنـــا فيها ..
مثل الخدم .. والله مرات اشووف بيوت فيها خدم اكثر عن أهل البيت .. وخاصه يوم يتيمعون يوم الجمعــه .. هل الحكومه لها دخل ..
فـ ياريت مانرد اللوم كله على الحكومه ..
والله أيب اللي فييييه الخير .. لان الوضع لايطااااااااااااااااااااااااااااااااااااااااق ..
والسموووحه ع الاطاله
صح كلاااااااااااامكم والله ……