بسم الله الرحمن الرحيم

السلام عليكم ورحمة الله وبركاته

تقوم مؤسسة الامارات للاتصالات بعرض زيادة سرعة الانترنت للمشتركين في خدمة (شامل)

تقوم بعمل Upgrade لسرعة الانترنت الى 16 ام بي في حالة توفر (فايبر اوبتك ) في الامارة او المنطقة أو زيادة السرعة الى 4 ام بي في حالة عدم توفر فايبر اوبتك في الامارة او المنطقة

وقبل شهر 11 يمكن عمل Downgrade للرجوع للسرعة السابقة

العملية على حسب اتصالات مجانا

عملية زيادة السرعة بعد الطلب تأخذ 24 ساعة الى 48 ساعة

فقط يجب الاتصال على 101 والتأكد من اشتراكك … في حالة توافق اشتراكك مع العرض فقط طلب هاتفي ويتم زيادة السرعة خلال الفترة المذكورة

وعلى اساس انكم ما تخسرون شي قبل شهر 11 بيومين أو اربعة ايام ارجعوا اطلبوا يرجعون السرعة Downgrade

لمزيد من المعلومات يرجى الاتصال على 101

والسموحة

27 thoughts on “عرض اتصالات – زيادة سرعة الانترنت 16 Mb خلال شهرين”

  1. يا اخوان شو سار بالموضوع حد فيكم سوا ابقريد للخدمة ولا شو السالفه انا منتظر احدكم ياكد لي

    اليوم تم تفعيل الخدمة عندي
    والحمد لله الأمور طيبه

  2. يا اخوان شو سار بالموضوع حد فيكم سوا ابقريد للخدمة ولا شو السالفه انا منتظر احدكم ياكد لي

  3. اخوي اذ انت تتكلم عن الايام العادية بالفعل 100 درهم للداون قريد … اما ايام العروض فهي مجانية سواء الداون قريد او الابقريد .. يعني انا سالته وقلت له انا بشترك وقبل شهر 11 ب 5 ايام بسوي داون قريد للسرعة السابقة يعني برد ل 512 لان 512 تكفيني بس قلت ما دام 4 ميجا بالمجان نجرب ليش لا ..
    المهم تبي الصج هو قالي تبي ترفع من اليوم قلت له لا بتريا شو لين ما اتاكد لاني اعرف الاتصالات زين ما زين تطلع لك فاتورة والله ولا تدري فيها

    انا قلت اشوف احد الاخوة اللي رفع سرعته خلال هذا العرض ونشوف كم يوم اخذ الموضوع وشو الموضوع بالضبط
    بس من كلامهم كل شي بالمجان سواء الدوان قريد او الابقريد ولكن لو تبي تسوي داون قريد لازم تسير المكتب … هذا اللي فهمت . والله تعالى اعلم بالنوايا

    أخوي إنت تقول إنك إتصلت وسألت وقالوا لك الـDowngrade ببلاش..

    وأنا أقول لك إني مجرب أسوي Downgrade من كمن شهر وسرت الفرع ودفعت 100 درهم..

    اللي يردون عليك بخدمة العملاء دومهم جذه..
    فلسفة وكلام فاضي وآخر من يعلم..
    أغسل يدك منهم وخذ الكلام من المجربين بس..

    واللي يبي يجرب هالخدمة يشترك ويلغيها قبل بداية شهر 11 بـ15 يوم..
    لأنه فيه مرة من المرات كانوا مسويين خدمة التلفزيون ببلاش لمدة شهر وبعدين قبل نهاية الشهر بـ7 أيام خصموا رسوم الخدمة للشهر اليديد..
    وعادي جداً يسوون هالحركة مرة ثانية..

  4. مرحبا اخوي

    انا اتصلت بهم وقالوا ان الداون قريد بلاش

    مشكورين الجميع على المرور صح كلامكم عروض اتصالات تزوغ ولكن نجرب وناخذ الحيطة والحذر ونسأل

    انا اللي قالوا لي اياه

    تزيد السرعة الى 16 ام بي اذا عندك بالمنطقة فايبر اوبتك واذا ما شي تقدر تزيد لي 4 ام بي

    والابقريد ( زيادة السرعة ) مجانا .. من خلال اتصال هاتفي .. والداون قريد ( ارجاع السرعة الأصلية ) مجانا

    والسموحة

    أخوي إنت تقول إنك إتصلت وسألت وقالوا لك الـDowngrade ببلاش..

    وأنا أقول لك إني مجرب أسوي Downgrade من كمن شهر وسرت الفرع ودفعت 100 درهم..

    اللي يردون عليك بخدمة العملاء دومهم جذه..
    فلسفة وكلام فاضي وآخر من يعلم..
    أغسل يدك منهم وخذ الكلام من المجربين بس..

    واللي يبي يجرب هالخدمة يشترك ويلغيها قبل بداية شهر 11 بـ15 يوم..
    لأنه فيه مرة من المرات كانوا مسويين خدمة التلفزيون ببلاش لمدة شهر وبعدين قبل نهاية الشهر بـ7 أيام خصموا رسوم الخدمة للشهر اليديد..
    وعادي جداً يسوون هالحركة مرة ثانية..

  5. اتصلت فيهم توني وقالي ان العرض صحيح ومجاني وانه يحق لك قبل 60 يوم تمن رفع الاشتراك الى 4 ميجا تقدر تسوي داون قريد وبتيييك الفاتورة 189 فقط لاني على سرعة 512 … وقالي الخدمة مجانية ولان الكيبل عندي ما يقبل 16 ميجا قالي بتاخذ 4 ميجا
    قلت مو مشكلة .
    سالته عن عمل دوان قريد بالهاتف ما جاوبني وقالي اعتقد لازم تحضر الى مكتب الاتصالات وانه مو متاكد .

Comments are closed.