السلام عليكم ورحمة الله وبركاته
يا جماعة الخير، شركة ابل وبلاك بيري عطتنا عروض حلوة بخصوص الايباد2 وبلاك بيري تورش
الحمدلله شركتنا معروفة فماله داعي للتشكيك
اللي حاب يزور مكتبنا حياه الله
مكتبنا في امارة الشارقة، منطقة الرولة، قرب دوار الدفاع، مقابل مطعم قرطبة
اي استفسار، يرجى اتصال عالرقم المذكور فالموضوع
تقبلوا مني أحمل تحية
ارفع الأسعار .. و بنشوف منو بيشتري من عندك
… السوق غرقان تيلفونات … و الموقع يشهد .
وبخصوص سعر التيلفون في المشاركه السابقه … ترى يوم بتدفع مبلغ 0.01 $ انته ملزوم بإشتراك سنوي أو شهري حتى تقدر تشتري التيلفون بالسعر المذكور … معظم الشركات الأوربيه تتبع نفس المنهج ..
بسعر 0.01 $ حتى ما تقدر تشتري علاقة تيلفون الله يهديك .. خلك واقعي في تحليلك …
يغلق الموضوع لإنتهاء مدة العرض ..وشكرآ لكل من شارك في الموضوع ..
السلام عليكم ورحمة الله وبركاته
معاكم الاخ محمد المدير التنفيذي لشركه المنزل المحلي
الاخت اللي كانت تتواصل معاكم هي السكرتيره
وانا استسمح بما بدر منها من اخطاء
بالنسبه للعرض التالي
اعتقد انه عرض مغري لدرجه ان الكل بدأ يشك بالمصداقيه وانا معاكم
اخواني
اللي حاب اجاوب عليه مش سعر المنتج
خلونا انجاوب على (( انك تدفع الحين وتستلم بعدين ))
قبل كلل شي البائع مستحييل انه يبيع بخساره حتى لو درهم اعتقد الكل يعرف
خلونا ندخل ع طريقه الدفع
نحن ماعندنا اي مشكله ان انجيب كميه حوالي 1000 حبه او 100 الف حبه
لكن كل هذي الكميه ماتوصل الا بعقوود وبضمانات ان الشركه الفلانيه راح تستلم الكميه بالعدد المطلوب
اما الافراد اللي خارج نطاق الشركات هذيله نتعامل معاهم بدفع القيمه كاامله او النص
وعند الاستلام الدفع النص المتبقي لان صادفنا العديد من المشاكل
وهذي سياسه نتبعها اكثر من سنه ونص تقريبا والحمد لله لنا عملاء وزباين يتعاملون معانا بالدفع الفوري او نص الجيمه للطلب والنص بعد الاستلام
وايضا عندنا سياسه الاقصاد وللحين في حوالي اكثر من 20 موضف نتبع معاهم باجرائات الاقصاد طبعا هذي لها شروط وضوابط
وانا اعتقد اسعاري من غير العروض بالنسبه للايباد2 والايفون4 وبعض الاجهزه متواجده بالمنتدى لاني اقترحت للسكرتيره اتحطهم
ثاني شي يااخوان
بالنسبه للعروض
هذي كلها عروض تتداول بين الشركات تحت نظام سستم معين يتم طرح جميع العروض فيه او المبادرات الخارجه من الشركات
وفي اكثر من عرض مخصص لفئة معينه
يعني انا احط ايفون 4 سعته 32 جي بي وسعره بـ 50 درهم فقط وهذا للاماراتيين ويوجد حوالي 300 حبه ولكل اسم ياخذ 22 حبه اقصى شي
هذي طريقه العروض
وانا صورتلكم عرض للتورش بحيث الواحد يقتنع ان التجاره ممكن يصير فيها كل شي
لان المشتري عمره ماراح يعرف سعر اللي خذاه حتى صاحب المحل نفسه
وهذي صورة من احد العروض
وانا اعرف ان البعض راح يشك بعد بالصورة ومايملي عينهم غير يوم اتيلسهم مكانك فالمكتب ^^ …
اشكر الكل الصراحه واحب انوه ان العرض انتهى وبالنسبه لعرض التورش بعد انتهى وان شاء الله نطرح عروض على مدى 24 ساعه عروض يمكن مدتها تكون ساعتين
وعلى فكره مش كل العروض ادفع واستلم بعدين خخخ
لا في عروض احجز وتعال استلم وبعد الاستخدام ادفع
ماعندنا اي مشكله اهم شي خدمتكم
ثاني شي العروض نرسلها على خدمه البلاك بيري او بالايميلات..
واخيرا وليس آخراً اتمنى من الكل الدعوى لنا بخصوص نحن من ابناء زايد
وقريبا راح نفتح وكاله لشركات الكفرات الخاصه بالفونات وجميع اكسسوارات الاجهزة الالكترونيه من لابتوب الى تاب ..
وايضا وكاله لتلفونات وان شاء الله بعد العقد راح نعلن.
اتمنى من الكل مسامحتي انا والاخت بما بدر منا من اخطاء
ولاتنسون زيارتنا فالمكتب ^^
احترامي وتقديري
اداراة العامه لشركه المنزل المحلي و اي تكنلوجي
وعليكم السلام ورحمة الله وبركاته
تسلم اخوي عالرد الطيب
ما اقول غير الله كريم
الظاهر نسوا الجماعة ان بعض الظن اثم وانهم محاسبين على كلام اللي يقولونه
محد اتجرأ يتصل او حتى ايي المكتب، بس الكل قدر يعق رمسة مالها اي صحة
عالعموم ما قصرت اف ذمتي ويزاك الله خير جزا عنا
تقبل مني أجمل تحية