السلام عليكم

كنت ناوي احجز على تايلند شهر فبراير 2009 ، وكنت يالس عند واحد من الربع فقلت له أبا احجز على تايلند فقال لي ألأحق ترى طيران الاتحاد مسوين تخفيضات فسألته متى هالكلام قال لي أمس مسوين الاعلان فقمت أنا على طول وفتحت الموقع عسب احجز فطلع كلام الريال صدق ….. عاد أنا فرحت وقلت بوفر تقريبا 1300 درهم لان العرض الي مسوينه هو أن سعر التذكرة لين بانكوك ذهاب واياب 2000 درهم فقط ، على طول ما صدقت حتى الكمبيوتر من كثر السرعة شكل لاني قلت بلحق عليهم .. كانت المفاجأة أنه لا توجد مقاعد …. أنا قمت واتصلت قلت يمكن احصل حجز واتصلت الفرع الرئيسي بطيران الاتحاد وقالت لي الموظفة خلاص شي عرض وبعطيك تذكرة ع العرض انا ما صدقت وفرحت وشوي الا تقولي آسفين خلص العرض وانتهت المقاعد .

السؤال هنا : – هل يعقل أن تنتهي كل المقاعد في ظرف 24 ساعة ؟

صورة العرض

من مواضيعي في قسم البيع والشراء

19 thoughts on “عروض طيران الاتحاد !!!”

  2. هذه دايما حركة طيران الاتحاد لو اول يوم نازل العرض واول دقيقه اتصلت ابهم يقولون لك الكراسي فووووووووووووووووووووووووووووووووووووووول يعني اغسل ايدك

  3. يا اخوي تقدر تفتح موقع طيران الاتحاد وتشوف اذا فعلا خلصت المقاعد في التاريخ الي انته حاجزنه ويبن عندك حتى كم كرسي باقي فبين عندك من الصادق ومن الكاذب وانا امس راجع من ماليزيا وحجزت اون لاين لا مكاتب ولا اتصالات تروح المطار تعطيهم رقم الحجز ويعطونك التذكره

  5. طيران الاتحاد دايما يسوي نفس الحركة هاي
    انا تعرضت لنفس هالموقف تماما ..

    الله العالم أنه كذب في كذب

Comments are closed.