السلام عليكم

كنت ناوي احجز على تايلند شهر فبراير 2009 ، وكنت يالس عند واحد من الربع فقلت له أبا احجز على تايلند فقال لي ألأحق ترى طيران الاتحاد مسوين تخفيضات فسألته متى هالكلام قال لي أمس مسوين الاعلان فقمت أنا على طول وفتحت الموقع عسب احجز فطلع كلام الريال صدق ….. عاد أنا فرحت وقلت بوفر تقريبا 1300 درهم لان العرض الي مسوينه هو أن سعر التذكرة لين بانكوك ذهاب واياب 2000 درهم فقط ، على طول ما صدقت حتى الكمبيوتر من كثر السرعة شكل لاني قلت بلحق عليهم .. كانت المفاجأة أنه لا توجد مقاعد …. أنا قمت واتصلت قلت يمكن احصل حجز واتصلت الفرع الرئيسي بطيران الاتحاد وقالت لي الموظفة خلاص شي عرض وبعطيك تذكرة ع العرض انا ما صدقت وفرحت وشوي الا تقولي آسفين خلص العرض وانتهت المقاعد .

السؤال هنا : – هل يعقل أن تنتهي كل المقاعد في ظرف 24 ساعة ؟

صورة العرض

من مواضيعي في قسم البيع والشراء

19 thoughts on “عروض طيران الاتحاد !!!”

  1. العرض هذا من زمان مب من أمس

    والسعر بدون الضرائب و رسوم الوقود

    شي مقاعد ،، بس 3100 درهم بس

    بعض العروض حقيقية ،، والفرق فالسعر يكون كبير

    مثال على طيران الامارات

    2 كبار + طفل + رضيع

    على سنغافورة الحين ب 5700 درهم

    ونفس العدد في شهر 6

    ب 15000 درهم

    وكله على حسب الشاغر

  2. بالظبط هالكلام بدون ظرايب انا اتصلت علي موظفة الأتحاد للطيران قلت لها علي الاف ام سامع عروض اسعار يابلاش ضحكت وقالت صح ولاكن بدون ضرائب والظريبه تشكل تقريبا زياده 45% من المبلغ المذكور في الأعلان


    وتكسي طيران الخليج بعد بهذا النضام 1200 التذكره و الظريبه ؟؟؟؟؟

  3. الله المستعان لا رقيب ولا حسيب يحاسبهم بس استخفاف بالناس اشوف طيران الامارات كل شهر عندهم عرض والي عنده عضويه معاهم يحصل خصم اكثر و القطريه بعد عندهم عروض حلوه

    طيران الامارات و القطريه اقل شي عروضهم شهر علي اي جها

  4. بالظبط هالكلام بدون ظرايب انا اتصلت علي موظفة الأتحاد للطيران قلت لها علي الاف ام سامع عروض اسعار يابلاش ضحكت وقالت صح ولاكن بدون ضرائب والظريبه تشكل تقريبا زياده 45% من المبلغ المذكور في الأعلان

  5. لا و بعد هاي الاسعار بدون الضرايب … لانهم امسوين عرض على ماليزيا من الاتحاد للعطلات 5 ايام مع الفندق ب 1990 يوم اتصلت قالت لا مع الضرايب 3800

Comments are closed.