السلام عليكم

كنت ناوي احجز على تايلند شهر فبراير 2009 ، وكنت يالس عند واحد من الربع فقلت له أبا احجز على تايلند فقال لي ألأحق ترى طيران الاتحاد مسوين تخفيضات فسألته متى هالكلام قال لي أمس مسوين الاعلان فقمت أنا على طول وفتحت الموقع عسب احجز فطلع كلام الريال صدق ….. عاد أنا فرحت وقلت بوفر تقريبا 1300 درهم لان العرض الي مسوينه هو أن سعر التذكرة لين بانكوك ذهاب واياب 2000 درهم فقط ، على طول ما صدقت حتى الكمبيوتر من كثر السرعة شكل لاني قلت بلحق عليهم .. كانت المفاجأة أنه لا توجد مقاعد …. أنا قمت واتصلت قلت يمكن احصل حجز واتصلت الفرع الرئيسي بطيران الاتحاد وقالت لي الموظفة خلاص شي عرض وبعطيك تذكرة ع العرض انا ما صدقت وفرحت وشوي الا تقولي آسفين خلص العرض وانتهت المقاعد .

السؤال هنا : – هل يعقل أن تنتهي كل المقاعد في ظرف 24 ساعة ؟

صورة العرض

من مواضيعي في قسم البيع والشراء

19 thoughts on “عروض طيران الاتحاد !!!”

  2. بالظبط هالكلام بدون ظرايب انا اتصلت علي موظفة الأتحاد للطيران قلت لها علي الاف ام سامع عروض اسعار يابلاش ضحكت وقالت صح ولاكن بدون ضرائب والظريبه تشكل تقريبا زياده 45% من المبلغ المذكور في الأعلان

    حتى الموظفة بروحها مب متقبلة الوضع حتى

  3. يا اخوي تقدر تفتح موقع طيران الاتحاد وتشوف اذا فعلا خلصت المقاعد في التاريخ الي انته حاجزنه ويبن عندك حتى كم كرسي باقي فبين عندك من الصادق ومن الكاذب وانا امس راجع من ماليزيا وحجزت اون لاين لا مكاتب ولا اتصالات تروح المطار تعطيهم رقم الحجز ويعطونك التذكره

    انا اصلا جيكت قبل لا اتصل فيهم وقال الي ع العرض مخلصه الكراسي وحصلت عقب اقل سعر هو 3100 درهم بس حرام وفي هالموسم وازمة بعد … قمت اتصلت على التايلندية لقيت نفس التاريخ ب 2100 درهم لا وبعد قالي الموظف يمكن عقب 9 أيام تنزل التذاكر بعد .

  5. تبا شوري
    في طيران الاتحاااد لازم تتصل وتستفسر كذا مره لان كل موظف عند معلومات ونصها ضايعه وبايته
    انا بغيت اححجز للبنان في شهر 12 وفي النت مكتوب البكج يبدا 1700 مع الضريبه اتصلت اول يوم قالو العرض خلص اتصلت ثاني يوم الوظف قال لازم تحجز 7 ايام اقل شي واتصلت بعد ما خلصت الاجازه وحده ردت علي وقالت العرض موجود!

Comments are closed.