السلام عليكم

كنت ناوي احجز على تايلند شهر فبراير 2009 ، وكنت يالس عند واحد من الربع فقلت له أبا احجز على تايلند فقال لي ألأحق ترى طيران الاتحاد مسوين تخفيضات فسألته متى هالكلام قال لي أمس مسوين الاعلان فقمت أنا على طول وفتحت الموقع عسب احجز فطلع كلام الريال صدق ….. عاد أنا فرحت وقلت بوفر تقريبا 1300 درهم لان العرض الي مسوينه هو أن سعر التذكرة لين بانكوك ذهاب واياب 2000 درهم فقط ، على طول ما صدقت حتى الكمبيوتر من كثر السرعة شكل لاني قلت بلحق عليهم .. كانت المفاجأة أنه لا توجد مقاعد …. أنا قمت واتصلت قلت يمكن احصل حجز واتصلت الفرع الرئيسي بطيران الاتحاد وقالت لي الموظفة خلاص شي عرض وبعطيك تذكرة ع العرض انا ما صدقت وفرحت وشوي الا تقولي آسفين خلص العرض وانتهت المقاعد .

السؤال هنا : – هل يعقل أن تنتهي كل المقاعد في ظرف 24 ساعة ؟

صورة العرض

من مواضيعي في قسم البيع والشراء

19 thoughts on “عروض طيران الاتحاد !!!”

  1. تااااااااايع عروضهم ( الخيالية ) في الجرايد مثلاً لندن 1700 درهم ويوم تتصل يقولك هالسعر ( بدون ضرايب ) ومع الضرايب بـ 3100 !!!

    قلتله زين سفرني من دون ضرايب ..!!
    جان يضحك ..!!
    وأنا من صدقي أستهبل مثل ما يستهبلون علينا ..!!

    وهذا والله من ( قلة الرقاااااابة عليهم ) هذيل أرباباتهم كبار ماتروووووووم عليهم وزارة الأقتصاد الي حدها الدكاكين حتى الجمعيات التعاونية مب قادرين يسيطرون عليها الي أغلبها ما تحط أستيكرات السعر على أغلب السلع ويخلون لك الأسعار (سبرايز) عند الكاشير ..!!

  2. هيه نعم يعقل لان خط تايلند عليه ضغط و ما يصدقون خلق الله يكون في عرض حتى يحجزون خصة الحين فترة اجازة

    والبزنسية اللي يشتغلون في الطيران وايد شطار الحين في ازمة اقتصادية ولاززم يجذبون المسافرين و هاي انا اشوفها حركة ذكية منهم

  4. طيران الامارات افضل عروض من الاتحاد واسأل مجرب انا احب اسافر على طيران الامارات وامس اتصلت بطيران االامارات حبيت ان اقدم السفر للبلاد وماشاء بالهاتف غيروا الحجوزات للعائله والاربعاء بكون بالامارات ان شاء الله والله يحفظك يابلادي من كل مكروه

Comments are closed.