السلام عليكم و رحمة الله و بركاته
اخواني و اخواتي الأعضاء حبيت أشاركم رأيي الخاص و أود منكم مشاركتي الحوار في هذا الموضوع طبعا كلكم تعرفون برنامج الميدان الي يعتبر حاليا من اكبر المسابقات في الدولة للشباب, و الحين سووا برنامج يديد اسمه عزبة الميدان على قناة سما دبي, من رأيي الشخصي انه برنامج ماله هدف يعني صح انه فيه ابراز لمعالم التراث و لكن بصورة الصراحه ما تشرف …. انا شخصيا من رأيي الخاص يوم اشوف البرنامج هذا و على الهواء مباشر احس بالاحراج يعني انه حاطين شباب ما يقدرون يمثلون التقاليد التراثيه بشكل لايق.
لو كان في طريقه ثانية يقدم فيها البرنامج بطريقه مفيده و ثقافيه و في نفس الوقت بملمس شبابي وايد احسن … انا اتكلم عن حلقة قبل امس يوم السبت لأنه الحلقه الوحيده الي شفتها و بعدها ما حبيت اتابعه. يوم يالسين الشباب داخل الصاله و كان طريقه حوارهم مع بعض بلا هدف ولا معنى و يوجد حوار و لا نقاش مفيد و بعدها فجأة بدا واحد منهم يشل. من ناحية الشلات العكس وايد حلوة لكن الجلوس و التعليقات الفاضيه على بعض مثل الاطفال ابدا غير مقبوله هذه التصرفات …
اسف على الاطاله لكن والله هاي مجرد فضفضه و الي في الخاطر وايد بس نخليه اثناء الحوار
انا بعد ماعيبني .. ماله هدف
شفته مره وبالغلط بعد .. احسه مصخره
ابدا ماله هدف ولا معنى
ليش ماترفعت انا لين الحين يامشرفين بعدني نقيب 3 نجوم
متى كشف الترقيات
اكثر واحد انا اداوم كل الاوقات مايود
صراحة موضوع مهم للغاية
ومثل ماقالوا الاخوان انه ماله هدف بس ابراز لشخصيات المتبارين وكل واحد يبرز عمره انه كل شي فيه مميز وكامل والكمال لله سبحانه
انا ماتابع بس مرة بالغلط وانا الف القنوات شفت حلقة على بالي حلقة طبخ واخر شي شو سووو
اونه سوالف حطوا سكر في العشا الذبيحة
وماحشموا الشواب اللي عندهم
واحس انه تقليد لبرامج اخرى لو يتمون على الميدان احسن مع انه الميدان في يولات وحركات يديدة اول مرة اشوفها تقول يلعبون كاراتيه بالسلاح لكن شو نقول المهم ماقصروا لابراز التراث وياليت يكون بالشكل الصحيح
الله يعين هل الجيل
وشكرا
يقولك : سير بعيد و تعال سالم
انا عن نفسي .. لا شفت ولا حلقه و لا حضرت عندهم
و بصراحه في حياتي ما افكر اشوف هـ ( العادات و التقاليد )
الحمدالله انا عشت في في بيئه بدويه و عارف عاداتي و تقاليدي عدل و ما احتاج لـ عزبة الميدان
لو برمس تراني ما بخلص لكن ما نقدر نرمس في هالشي لانكم تعرفون ان وراهم ( ظهر ) ^_^