السلام عليكم و رحمة الله و بركاته
اخواني و اخواتي الأعضاء حبيت أشاركم رأيي الخاص و أود منكم مشاركتي الحوار في هذا الموضوع طبعا كلكم تعرفون برنامج الميدان الي يعتبر حاليا من اكبر المسابقات في الدولة للشباب, و الحين سووا برنامج يديد اسمه عزبة الميدان على قناة سما دبي, من رأيي الشخصي انه برنامج ماله هدف يعني صح انه فيه ابراز لمعالم التراث و لكن بصورة الصراحه ما تشرف …. انا شخصيا من رأيي الخاص يوم اشوف البرنامج هذا و على الهواء مباشر احس بالاحراج يعني انه حاطين شباب ما يقدرون يمثلون التقاليد التراثيه بشكل لايق.
لو كان في طريقه ثانية يقدم فيها البرنامج بطريقه مفيده و ثقافيه و في نفس الوقت بملمس شبابي وايد احسن … انا اتكلم عن حلقة قبل امس يوم السبت لأنه الحلقه الوحيده الي شفتها و بعدها ما حبيت اتابعه. يوم يالسين الشباب داخل الصاله و كان طريقه حوارهم مع بعض بلا هدف ولا معنى و يوجد حوار و لا نقاش مفيد و بعدها فجأة بدا واحد منهم يشل. من ناحية الشلات العكس وايد حلوة لكن الجلوس و التعليقات الفاضيه على بعض مثل الاطفال ابدا غير مقبوله هذه التصرفات …
اسف على الاطاله لكن والله هاي مجرد فضفضه و الي في الخاطر وايد بس نخليه اثناء الحوار
حلوه بس خبرهم لا يعيدونها مره ثانيه
مع احترامي لشوابنااا طبعاا
بس ماله معني ولا هدف
بس ريت لقطه
وضحكتنيكانوا اثنين من الشباب يلعبون كورة طايره جي يعني يستهبلون
في واحد منهم فر الكوره ع ربيعه بقوة , رد الثاني وقال الله يغربلك راااااح ظهري اشوي اشوي( يعني كسرت ظهري جي )
رد عليه مره ثاانيه وقااال دق له خله يرجع
هههههههههههه
ههههههه
توني يالسة اجوف البرنامج اول مرة ..
يقولون عزبة الميدان قلت اكيد بجوف دبش وبوش وهالسواالف
بس اللي جفته أشد عني جي ههه
كله سوالف وكلام فاضي ومراكض >> هبل والله ههههه
يهال والله .. يعني هالكثر احنا ما انعرف التقاليد والعادات ,.. برنامج البرزة وينه ؟؟ كان يكفي ويوفي ..
ماله داعي هالخربطاان اللي صااير .. ههه
الله يهديهم هالشباب .. بس مثل ما قال الفيلسوف .. عندهم > ظهر< وبطن واذن هههه
يسلموو عالموضوع
على ايام قبل بس عيال الجبايل اللي ايولون
الحين كل من هب ودب ايوول .. وقبل بسلاح مش بخشبه نفس
الحين ولا نعيش ودق رقبه
لو يمنعون الشعر الطويل + سلاح مش اخشبه مابتشوف
حد يتابع ولا يشارك