.
عزيـزاتي المعلمــآت ,,
مدرساتي المحترمـــآت !!
في البدايه ,, اشكركن كل الشكر على الجهد المبذول في تدريس جيل المستقبل و تعليمهم وتثقيفهم سواء من الكتب او الحياه العامه .. وكلنا نعرف كم هي طولة البال في تحمل تدريس الموضوع نفسه لسنوات عده و تكرار الامتحانات او الاسئله والتوضيع و الجهد الي تبذلنه في بيوتكن حتى في تصحيح أو درجات وما تقصرن الكل يشهد بفضلكن والله يجزيكن الخير ان شاء الله ,,
ولـــكن,,
سامحنيه على هالكمن كلمه الي بكتبها لأنيه ما أعمم الي اكتبه على الكل ,, وأقصد فئه معينه من المعلمات !!
بس صدق الواحد يطفر من هالامور الي تصيــر ف المدرسه من هالطلــبات العجيبه الي ما تخلص!!!
عفواً,, بس يمكن فاهمات موضوع النشاط غلط !! 
احيده النشاط تفاعل ومشاركه ف الكلاس أو تحضير أو شي ينجز في المدرسه مب شي ينشرا ويدفعون عليه واخرتها يهمل ولا يستعملونه اللهم شيء يدل على الدرجه !!
ماريد اتطرق لكيفية تقييم الطالب ,, ولكن بالفعـل الشي الي يصير في المدارس الحكوميه يطفر الطالب و ولي امره ,, ” الله يعينكن كم تنسبن ويحطون عليكن اولياء الامور بسبت هالطلبات” ..شو الي كاضنكن عاد!
بعض المعلمات يقبضن الياهل انت فلان وابوك الفلاني و و و و و 
وتقعد تمدحه لين خلاص يتبرمج الطالب انه الي تقوله المعلمه كله صح ,, والي تباه اواااااامر .. وأول ما يوصل الطالب البيت مصر انه ياخذ الي تقول عنه المعلمه !! وفي نفس اليوم الابو تلقونه راجع من الشغل تعبان والياهل يزن ويون ويصيح لازم لازم !!
و
البعض الآخر ,, تشتريلها الي تباه ما يمزر عينها ,, قالت لاسق سائل ,, يعني لازم أوهوو ,,اذا ياب الطالب غير الأووهو ,, تحيس البوز وتقول لــــــــــيش مابا هاذا انا !!!!!!!!! يا سلام ارده مثلن ؟؟ حتى كلمة شكر ماشي !!
المشكله الأكبر ,, ليتها تقول وين ينشرا الشي ,, توصفه هيه !! وعاد انته وشطارتك !! دليته كان بها ,, ما دليته خصم خمس درجات أو عشر على حسب مزاجها اليوم متغيضه ولالاء ,,
الله المستعان بس !!,, والله حرام هالي تسونه !! في عائلات يالله تعطي اليهال درهم ولا درهمين يعيشون فيهن ف المدرسه وين يقدرون يوفروون لكم هالامور ! يعني بالفعل مافي مراعاه ومبالاه بحالة الطالب !!!!
طلباتكن في حدود الدراسه دفتر كتاب ملف قلم شي تثقيفي شفافيات لووووووحه !! ” الله يرحم ايام اللوحااااااااااااااااااات تعرف ولا ماتعرف ,, بتخط وانت شاطر الحينه لازم خطاط ما يدخل مزاجها الخط ” ,,
مب زينه للصف
!!!!!!!!!!!!!!! اتوقع المدرسه لها ميزانيتها ليش ما تشدين حيلج انتي يالمعلمه وتطالبين بتزيين الصف !!
انا سالفة مسابقة اجمل صف هاذي ماعرف شو الهدف منها !
قلنا تنافس ,, بس في شي مفيد ,, ! دراسه ولا مشروع عملي ولا حتى نظافة الكلاس وتجميع الاوراق او العلب البلاستيكيه ,, مب زينة صف !!
عاد ف الحلقه الاخيره شو مستفيده من الزينه كلها !! بتنعق إلا ف الزباله !! 
وبكل صراحه هالبروشورات الي تتعلق على البورد !! للأسف محد يلتفت ويتعنى يقراها ,, هاذا اذا اصلن كان شي بورد
والقهر انها تحرص كل الحرص على انه ينكتب البورد بإسمها مش مهم الطالبات كتبن ما كتبن كله واحد !!!!!!!!!! عيل وين جهد الطالب مثلا !! 
اسمحوليه على الإطاله !! 
اوووووووب اوووووب اوووووب
زعلت اديبتنا
ليش ماخذه الموضوع شخصي ؟؟
اكيد المدرسات طلبن منج تردين علينا
متعودات على الطلبات
اديبتنا .. ودنا نتفاهم مع الابلات >> ابلات = جمع ابله
بس يقولون انتو ريايل عيب تدخلون مدارس بنات
الله يعينكن يا المدرسات ….
مافي واحد يدخل الموضوع ويطلع ومايكون عنده معاناة من طلباتكن
صدق معاناة يوم يطلبون شي وانتم ادور ونلف على الجمعيات ومانحصله
المفروض انه كل مدرسه لها ميزانيه ويتعاملون على أساسها مع الانشطة المطلوبه من الطالب ….
موضوع عجيب والله
احين بذمتكم الدقمه اللي عندي كي جي ون مطرشيلي ورقه (تم اختيار ابنكم لشراء ادوات النظافه للصف )لووووووووووول شحالكم انتوا ولدي بيشتريلكم ادوات نظافه ؟؟؟؟ ليش ماتنظفوون بروحكم او المدرسه لازم تكون مسؤووله عن هالشي مب ولدي او حتى ولد حد ثاني؟؟
وخروووووووو
انا ييييييت
اول شي ومن بداية السنه اليوني فورم مالهن عند خياطات في البيت يا ليتهن في محل
وقم راكض ودور الخياطه وبيتها والقياس حدث ولا حرج (( مشي حالك ))
واول ما تبتدي الدراسه وقبل توزيع الكتب يتك الطلبات
قلامه >> رصاص .. حبر ثلاث الوان .. رصاص جاهز
دفاتر >> صغار 100 صفحه .. وسط 150 صفحه .. كبار 200 صفحه .. وانقهررر يوم يطلبن دفتر اصفررر بو 40 صفحه >> ما ادري وين اييبه هذا
الوان >> زيتي .. شمعي .. مائي
ملفات >> عاديه .. بو حديده .. وبو فص
4 اقلام وايت بورد + مساحه
وغير هذا اول ما يستلمون الكتب يتك البنيه تقولك باباه (( عاده انا هاااااااااااالكبر ويزقروني باباه اموت قهررررررر ))
باباه .. صور لي شفافيات 25 صفحه >> وانا ابقق عيوني واقول ولللل خمس وعشريين صفففففففحه ؟؟
وللطلبات بقيه … .. .
ولي عودة الذيب للموضوع
لا فض فوك……………..
قصه قصيره واقعيه:
الولد: ابوي ابوي،، الأبله طلبت منا دفتر تخطيط مربعات
المجني عليه أنا: فالك طيب،، سرت المكتبه و يبت الطلب
ثاني يوم، الولد: أبوي ابوي الأبله تقول ما تبا هالدفتر، تبا مربعات كبيره
المجني عليه أنا،،، شغل السياره و بدل الدفتر من المكتبه
ثالث يوم،،، الولد راد من المدرسه عابس معبوس: أبوي أبوي الأبله تقول مب هالمربعات،،، و تقول الدفتر المطلوب موجود في المكتبه اللي عند دوار الجبل (عيناوي) ^_^،،،
المجني عليه (أشعث أغبر) طبعا أنا again: فالك طيب و انا بموت من القهر،،، و أخيرا لقيناه في المكتبة المذكوره أعلاه،،،،،
الحين تخيلوا معي: هالأبله تدرس تقريبا 4 صفوف و في كل صف لا يقل عن 20 طالب = 80 أشعث أغبر حرك سيارته ثلاث مرات بسبة دفتر على حسب طلب الفاضله المصونه المذكوره أعلاه
و أخير: تم استخدام 9 صفحات من أصل 200 صفحه من الدفتر، و صرف بترول 80 سياره لمدة ثلاث أيام
و اقول أتقوا الله في طلباتكم