عساك ماتفرح وتكثر بلاويك ,.,.

http://www2.0zz0.com/2007/05/21/05/65909459.gif

ياللي زعلت ازعل ولا ني مراضيك
اشرب كدر ماي البحر كانه ارضاك

لاتحسب إني عقب صدك بداريك
بعز نفسي عنك مدراك مدراك

قبل توريني الحسايف بوريك
ليمن قال فلان هانك ووراك

كانك تحداني فانا أقبل تحديك
وأنسى كل اللي مضى واتحداك

ماني بقايل لك عسى الله يهنيك
الله يحرمك كل ماكان هناك

عسى العمى ياخاين العهد يعميك
فوق الغرور اللي عن الماضي أعماك

وعساك ماتسمع قريب يناديك
حيثك تجاهه صوت محروم ناداك

وعسى الشلل يعوق رجل تمشيك
لينك تندم ليش غيرت ممشاك

وعسى حياتك بس فرحه لشانيك
يلقا بها الفرصه عدوك ويشناك

وعسى الليال اللي تجيني بطاريك
يصبح عليها الصبح وتموت طرياك

وعسى المنام وكل راحه تجافيك
آمين حتى اللي تمناه يجفاك

وعساك ماتفرح وتكثر بلاويك
وأمك تشق الجيب من عظم بلواك

ولا مت ،, جعلك في جهنم اتصاليك
نار الجحيم ونار دنياك تصلاك

الله يكره فيك حتى دوانيك
غشاش خاين من من الناس داناك

هذي النهاية روح والله يجازيك
أمسك ويومك عن هوى الغد يجزاك

الشاعر ” طلال السعيد ” ..

=====================================
=============================
===================