السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
يا جماعة الخير
كلة في صوب وعبدالله رشيد في صوووب
شغاااااااااال تحريض تحريض من عرفته هالكاتب وهو ما يغير هالطبيعه ..!!!
وكأن الشباب عنده ( كفار قريش ) ..!!
صارله سنه لين الحين وهو شغااال على هالموال
( الشباب , الطائشون , المارقون , صانعوا الموت )
وغيييره من المبالغااات الموجوده في خياله هو فقط ..!!!!
والله حارق دمي هالكاتب
أحنا 24 ساعة في الشوارع ولا نشوف القصص الي ( يتحفنا ) فيها كل يوم والثاني ..!!
المرور شغالين من صوب ( والتغطية الأعلامية ) من الصوب الثاني ..!!
وكلامي ها مب تشجيع على الغلط
ولكن خلوا رجال المرور يطبقون القانون براحتهم من دون ( تأجيج ) الوضع وسن السيوف ..!!
انا بعد خالفوني بس الحمدلله قبل تطبيق القر ار بساعات ورغم اني مب موقف في موقف المعاقين عدالة على الخط الاصفر واتصلت عليهم قالوا راجعنا وفالك طيب بنشيل المخالفة والحمدلله على كل حال .
تستااااااااااااااااااااهل
طبعا
تستاااااااااااهل كل خير لأنك رضيت بالقانون واعترفت بالخطأ اللي ارتكبته
ووافقت على العقوبة اللي حصلتها وذلك في مقابل الذنب الذي ارتكبته
وأقول هنا الذنب لأنني خطر ببالي وانا اقرأ الموضوع .. موضوع النقاط السوداء في صحائف كل منا
يا حبذا لو استشعر كل منا هذه النقاط السوداء يوميا في حياته وصار يسجلها على نفسه
ومن ثم يحاسب نفسه عليها ..
مواقف عادية تمر بنا يوميا في حياتنا منها الايجابي ومنها السلبي .. فلو دربنا انفسنا بل ودربنا ابناءنا على موضوع النقاط السوداء وتدوينها في مقابل أخطائنا وعدم احترامنا للحقوق .. ابتداءا بحقوق الالة علينا مرورا بحقوق الوالدين ثم الناس الذين نعيش معهم وحواليهم
احترام النظم والقوانين والطوابير والاشارة الحمراء
المعلم بالنسبة للطلاب والمدير بالنسبة للعاملين والموظفين بالنسبة لرئيس المنظمة
لو عرف كل منا ماله وماعليه في هذه الحياة لكنا أسعد الناس ..
تحياتي لكاتب الموضوع؟
80% فاضيه معاك بس يعني قلت قريبه وقلت كلها دقايق وراد وبعدين قلت مابا ايي عشرات من ذوي الاحتياجات في الساعه 11.30 في الليل هههه
والقانون لازم ان يحترم
الله يعين الصراحه
اوكيه النظام النقاط السود شي جيد ولكن ليس على اشياء تافه كثيره
بصراحه زين انت تعرف انك مخالف 80% الباركنا فاضيه وساير حق ذوي الاحتياجات الخاصه
الله يعين
ولا الغراماااااااااااااااااااااااااات مش دبل بل اضعاااااااااااااف
والله من حقهم التجار يزيدون اذا كل شي في الدوله زاد ليش ما يزيدون