السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
ماعليه اي نقطه ولاكن عليه 500 درهم
طريق خارجي .. السرعة المحدد 120 ……. والرادار زخ أربيعي أعتقد 140 أو 150
حد يعرف شو المخالفة؟
يعتمد يا اخوي على السرعه المحددة للشارع…
والله يعينا على النظام اليديد
الصراحة النظام اليديد يخوف … ولا يطمن بالخير
مجرد رأي
لاحول ولاقوة إلا بالله …….
أربيعي زخه الرادار على سرعة 140 … شو العقوبة أو المخالفة؟