السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
خخخ أبوالعيال مثلي خخخخخ جلعت مخفي سياير البيت كلها حطيت لهم 30% تيواني ولا جنه في مخفي أمر القوي …
وأي حد يطلع أتصل أحذرهم ألتزموا السرعة القانونيه لاتجاوزون الخط الأصفر .. ألبسوا الحزام لاتلفون بصورة خطره لسلامة الأخرين قبل سلامتكم خخخخخ خوفاً من المصايب
والله أني كرهت الطلعة والسبه هذي التشديدات ……
مشكله لو خلصن 24 بتنسحب الرخصه 3شهور خلال هذي الفتره مايستوي نسوق لو سقنا فيها سجن
يعني الواحد يضيع مستقبله ويتلته عسبت الليسن
يخراااااااااشي حيأصووو رأبتي …… يساتر منك
بقولكم السالفة خخخخخخ هذي المخالفة مب لربيعي هذي مخالفتي أنا خخخخخ مادري شو ياني وتناحست على عمري وتوني أدوس ريس كامل وصل العداد مادري 140 أو 150 أو 160 وينقع بي الرادار وأنا كاشخ
الحمدالله مافيها نقاط ولا حجز .. إذا على حيت فلوس لاتحاتي ياقناصووه المخبى عامر
السلام عليكم
صدقت يا دهن العود استخلاص جدا رائع لقد تأثرت بهذه النتيجة صراحة اصبحت أكثر حرصا عند قيادت للسيارة بسبب هذا النظام الجديد اما مراقبتنا لذنوبنا وخطايانا وحياتنا فلانأبه الله يعينا ويبصرنا بعيوبنا اللهم امين شكـــــــــــرا يادهــــــــن العــــود
كل الدول فيها سائقين وقانون للسير والمرور بس شكل هذه التعقيدات والعقوبات ما شفت صراحه مبالغه فيها فوق الخيال
اللى واقف في مكان مخالف ساعه واللى واقف ثانيه نفس العقاب
ارعبونا الله يبحصهم …. كل ساعه اخلى ولدي يتصل على خدمه الاستعلام عن الغرامات يتأكد صورونا …ولا زخونا ونحن ما ندري …….السايق يالس في الحجره ياكل ويرقد حاجزين السياره وسيارتى ما احب السايق يأخذها وانا اودي وايب واعصابي كلها مشدوده
القانون شى جيد ولكن ليس بهذه الطريقه
مسسسسسسسسسسسسسسسساخه …واستغلال
استونينا انسوق ونحن عارفين انا تحت المجهر
24نقطه وحجز محد بيسلم …استويت ازيغ من السواقه حتى في الفريج بو العيال من نظهر يدق تليفون ….حاسبو عن النقاط السوداء
ان شاء يارب تحتج عليهم هيومن رايس لحقوق الانسان هلكونا الله يهلك العدو
إعدام .