السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
بصراحة بعد الاطلاع على موضوعك اخي خطر بالي اشيك اذا كان عندي مخالفات عن طريق النت ونصدمت بوجود اربع مخالفات بس الحمد لله ما في نقاط سودا بس في شي لفت انتباهي في مخالفة من المخالفات قيمتها 100 درهم وهي عرقلة حركة السير وحصرت مخي شلون وكيف يعني وبعدين اذكرت انه في يوم المخالفة بعد ما طلعت على المخالفة بالموقع عن طريق النت تبين انه يوميتها كنت واقف بتريا الحرمة والوالد عند الجمعية ومشغل الرباعي وقفت سيارة خاصة بنص الطريق وعرقل السير واجا نحي والي تحرك ممنوع الوفوف اتله الاهل نازلين مو دايق حد بس اذا بتشوف سيارتك وين صافف بتعرف انه انت المخالف ومسك مبايله بلش يصور الوحة وانا كمان لما شفته هك عم يساوي صورة سيارته ووقفته الغلط يا ترا فيني اشتكي عليه متل ماساوا مع اني ماكنت واقف بمكان يعرقل اي حركة والصورة لسا معي؟
تعرفون متى بنعرف فائدة القانون اليديد ؟؟؟
بعد سنة يوم يكتبون بالجرائد احصائيات حوادث السير والمرور ,, هاك الفتره راح نقارنها باحصائيات الأعوام السابقة وبنعرض جدوي تطبيق القانون الجديد مع اخذ عين الاعتبار كل من (( عدد النازحون الجداد بالدولة وعدد السيارات الجديدة المسجلة ))
أنا مأدري ليش من أشوف دورية شرطه جني شايف جني خخخخخ كم مره دوريات يشغلون لي لواح عسبت أوقف من أشوف لواحهم أحس شعر جسمي يوقف خخخخ منو يقول قناصوووه يوقف الشرده نص المريله خخخخ أشرد ماتشرد عادي أدخل الدوار سرعة 160 أسميني تشويح كم مره بغيت أدعم وأنا شارد خخخخخخخ
يالليت يلحقوني على شي يرزى خخخخ عسبت شايفيني كاسر أشاره ولا قاعد أصيح ويلات أطلع إللي في خاطري شوي
يا طويل العمر المسدس بس يبن للشرطي كم سرعتك وهو يشوف علي حسب سرعه الشارع
زين مسدس الرادار هذا علي كم يمسك ؟