السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
تعجبني صراحتك واعترافك بالخطأ وتقبل عواقبه بروح رياضيه عاليه تكاد ان تكون معدومه هذه الايام
الله يكثر من امثالك اخي كيبورد
الله يعين والله من هالقانووون..
هو زين ومب زين…
الله المستعااااااان..
ربي يعوضك خير ان شاء الله
بس مره ثانيه لا تعيدها ….
وانا اول يوم رابطه الحزام تحريت عمري ويا المدربه
مب قادره اتحرك وجتفي عورني منه >>> مب دلاعه بس صدق تعبني
وما عرفت اسوق عدل
واليوم الثاني طاااااااااااااف
اقصد
بحاول ان شاء الله
الاهم اني ما اخالف في الاشياء الشريره صح
وتحياتي
اختكم
سهمي عالي
والله اشوف يا اخوي dubaieye انك تنسى الموضوع وافتك من الصدعه وعوار الراس دام الموضوع مش مهم لتك الدرجه
انا خلاص ما اسوق السيارة ما تهنيت بالسيارة اليديدة اخلى الدريول الدفش يوديني
اذا موقف في مكان غلط 4 نقاط عيل اللي ما عندة ليسن كم نقطة
حتى الدريول مب على كفالتي
اصلا القانون يباله تعديل في بعض الامور مايصير جي