السلام عليكم
شحالكم ان شاء الله بخير 
الظاهر انا من الاوائل اللي افتتحو او طبق عليهم نظام النقاط ههههه
بس الظاهر وايد صارمين في الموضوع والحكايه
الساعه 11.30 في الليل عند كارفور شارع المطار وتقريبا 80% من الباركنات فاضيه المهم بركنت في الموقع المخصص للمعاقين لمدة تقل عن 5 دقايق فقط عشان اسحب من مكينة البنك
المهم طلعت فوق ورديت وحصلت ورقت المخالفه علي البونيت وعقب قعدة اطالع العقوبه وكانت 4 نقاط سوداء و 1000 درهم قلت همممم استاهل بس كان فيه مجال لتطبيق روح القانون ههههه
وانا طالع من الباركنات شفت الدوريه يسوقها رائد سلمت عليه ويهي كله ابتسامه وضحك وتوكلت
يالله عشان تكون عبره لنا ولغيرنا ومثل ماقلت الظاهر ماشي تهاون ويطبق القانون بحذافيره الله يقويهم ويعينهم ان شاء الله
ودمتم بود
1- كل خطوط بوظبي سرعتها 160. هل صار أي تحديث بهالخصوص؟
2- شو بخصوص المخالفات الجديمه المسجله على الموتر؟ هل قيمتها بتزيد حسب الأسعار الحاليه.
أذكر إني كنت واقف في باركن مخصص لذوي الإحتياجات الخاصه، فخالفوني. المخالفه كانت 100 درهم، بس عقب نزل قانون يقول إن المخالفه قيمتها 500. تدرون إن مخالفتي تحولت لـ 500 درهم.
صدق إنا يالسين في سوق الخضره.
تجاوز الحد الأقصى للسرعة المقررة بما لا يزيد عن10 كم/ ساعة المخالفة ب 400 درهم
تجاوز الحد الأقصى للسرعة المقررة بما لا يزيد عن20 كم/ ساعة المخالفة ب 500 درهم
تجاوز الحد الأقصى للسرعة المقررة بما لا يزيد عن30 كم/ ساعة 600
تجاوز الحد الأقصى للسرعة المقررة بما لا يزيد عن 40 كم/ ساعة 700
تجاوز الحد الأقصى للسرعة المقررة بما لا يزيد عن50 كم/ ساعة 800
تجاوز الحد الأقصى للسرعة المقررة بما يزيد عن 60 كم / ساعة 1000 و حجز السيارة مدة 30 يوم